Күз

Күз – жылдың төрт мезгілінің бірі. Бұл мезгілде Жер шары өз орбитасының күн мен түннің күзгі теңелу нүктесінен Күннің қысқы тоқырау нүктесіне дейінгі аралығында болады.

Сипаттамасы

Астрономиялық тұрғыдан Күз – 90 күнге (24 қыркүйек – 22 желтоқсан), ал күнтізбелік тұрғыдан 91 күнге (1 қыркүйек — 30 қараша) созылады. Әдетте, қыркүйек, қазан, қараша Күз айлары болып есептеледі. Күзде күн суытып, көлдер мен өзендер тартылып, өсімдіктер қурап, ағаштардың жапырағы түседі. Күн қысқара береді. Егін піседі, мал семіреді. Жыл құстары тізбектеліп, жылы өлкелерге ауып кетеді.

Қазақстандағы күз

Қазақстан жерінің күздегі сипаты біркелкі емес, солтүстік облыстарда егін піскенде, оңтүстік облыстар егіндерін жинап болады.

Қазақи сипаттама бойынша күз үшке бөлінеді — сары күз немесе алтын күз (қыркүйек), қоңыр күз (қазан), қара күз (қараша).

Басқа аймақтарда

Бізде Жер шарының солтүстік жартысында Күз болғанда, Оңтүстік жарты шарда (Оңтүстік Америка, Австралия, Антарктида) көктем болады.‎

Тағы қараңыз

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.