Күләш Қажығалиева

Күләш Қажығалиева (1942 жылы 9 маусымда Алматы облысы Үйгентас ауданы Ақжар ауылында туған) — актриса. Қазақстанның еңбек сіңірген артисі (1998). Ерен еңбегі үшін медалінің және "Еңбек ардагері" медалінің иегері.

Күләш Қажығалиева
Жалпы мағлұмат
Туған күні	9 маусым 1942 (1942-06-09) (82 жас)
Туған жері	Алматы облысы
Қайтыс болған күні
Азаматтығы	КСРО  Қазақ КСР  Қазақстан
Мамандығы	актриса
Белсенді жылдары	1967–2024
Марапаттары

Өмірбаяны

Құрманғазы атындағы Өнер институтының театр факультетін бітірген (1967), драма актері. Қазақ және орыс тілдерін біледі. 1969 жылдан бері - Ғ. Мүсірепов атындағы Қазақ мемлекеттік академиялық балалар мен жасөспірімдерге арналған театрдың әртісі. Ш. Айтматовтың «Ақ кеме» (Кемпір), И. Сапарбайдың «Ауылдан келген ару» (Сәндігүл), Қ. Қайсеновтың «Қайсар» (қыз), О. Бөкейдің «Атау кере» (Марфа), Ә. Таразидің «Індет» (шешесі), «Жақсы кісі» (Балзия), И. Ғайыптың «Қорқыттың көрі» (Қамқа), О. Боранбаевтың «Қаңбақ шал» (Бәйбіше), М. Хасиевтің «Табамын әлі» (қыз) спектакльдерінде ойнайды.

Отбасы

Әкесі - Сопқан Қажығали, марқұм. Анасы - Тұрсымбаева Күлшиман, марқұм. Жесір. Жұбайы - Мерғазиев Қалиола, марқұм, режиссер болған. Ұлы - Мерғазиев Қуандық (1964 ж. т.); қыздары -Мерғазиева Құралай (1967 ж. т.), Қайсарбекова Қарлығаш (1971 ж.т.).

Мемлекеттік марапаттары

• 1998 жылы Қазақстан Республикасының Еңбек сіңірген артисі (құрметті атағымен) марапатталған.
• Қазақстанның "Ерен Еңбегі үшін" медалімен марапатталған.
• 2016 жылы Қазақстанның "Еңбек ардагері" медалі
• 2016 жылы "Қазақстан тәуелсіздігіне 25 жыл" медалімен марапатталған.