Күнделік.кз
Kundelik.kz — Қазақстан бойынша бірыңғай білім беру интернет-порталы. Kundelik.kz жүйесі мемлекеттік-жекешелік әріптестік негізінде енгізілді және жеке инвесторлардың қаражаты есебінен қаржыландырылады. Бүгінгі таңда жүйеде 6500-ден астам мектеп тіркелген.
| Күнделік | |
 | |
| URL | |
|---|---|
| Коммерциялық |
Иә |
| Сайттың түрі |
Цифрлы білім беру платформасы, Электронды күнделік және журнал |
| Тіркелу |
Тегін, әкімшінің растауымен |
| Тіл(дер)і |
қазақша, орысша |
| Ашылған уақыты |
2016 жыл |
Ай сайын порталға 4 500 000-нан астам адам кіреді, парақшаларды қарау саны 350 миллионнан асады (2023 жылдың ақпан айындағы Яндекс.Метрика мәліметтері бойынша).[1]
Тарихы
өңдеу2016 жылы "Дневник.ру" жобасының жетекшісі Гавриил Левидің айтуынша, Қазақстан аумағында "Күнделік.кз" білім беру платформасы енгізілді. Бүгінгі таңда жобаның ресми сайтындағы мәліметтерге сәйкес, осы платформамен 6 мыңға жуық мектеп және 4 миллионға жуық қолданушы жұмыс істейді.
"Күнделік"-ті техникалық тұрғыдан әзірлеген Білім және ғылым министрлігі емес. Жоба мемлекеттік-жекеменшік әріптестік аясында пайда болған. "Күнделік" жобасының бас директоры Мұхтар Ілиясовтың айтуынша, инвесторлар жаңа жүйені жасап бергені үшін мемлекеттен мүлде ақша алмаған. Жоба өзін 11 жылда ақтап алады дейді. Министрліктің бұл жобаны мақұлдап, жаппай енгізуінің бір ғана мақсаты: мұғалімдерді қағаз толтырудан арылтып, Қазақстанда сандық білім беру жүйесін қалыптастыру.
Қазақстандағы ұстаздардың пікірінше, "Күнделік.кз" – Ресейдегі осындай "Дневник.ру" жобасының айна қатесіз көшірмесі. Мұхтар Ілиясов экслюзивті сұхбат бере отырып, "Күнделік" компаниясының бір бөлігі ресейліктерге тиесілі екенін растады.[2]
"Әрине, әуел бастан қазақстандық компаниямыз деп айтып отырмын. Бірақ, біздің компанияның 45 пайызы Ресейдің "Дневник.ру" компаниясына тиесілі. Яғни, жобаның "жүрегін", негізін әзірлеген адамдар – ресейліктер. Ал, әдістеме, үш тілдегі жұмысын, академиялық бағалау жүйесін, сабақтардың санын енгізген біз. Ресейде бұл жобаны 150 адам жасап отыр, оның ішінде оншақты адамды бізге көмектесуге берген. Ал, Қазақстан тарапынан бұл жобада он екі адам – есепші, заңгерлер мен операторлар жұмыс істеп отырмыз"
Пайдалану
өңдеу"Күнделік" жүйесіне тіркелу өтінішін тек мектеп бере алады. Мектеп әкімшілігі сыныптағы оқушылардың санын, аты-жөндерін және ата-аналардың аты-жөні мен өзге де мәліметтерді ұсынуы керек.
Мектеп оқушылары туралы бүкіл мәліметті ұсынғаннан кейін "Күнделік" авторлары оны бес күн ішінде тексереді де, өтінішті расымен мектеп беріп отырғанына көз жеткізгеннен кейін, мәліметтерді растап, өтініш жіберген мектепке жүйе әкімшісіне арналған логин мен құпия сөз жібереді.
Жүйенің әкімшісін мектеп тағайындайды. Бұл жұмыс жүктелген әкімші ұйымның жеке парақшасын толтырып, оқушылардың тізімін, мұғалім мен ата-ананың мәліметтерін жүйеге енгізеді. Бүкіл мәлімет базаға енген соң, сабақ кестесі және тағы басқа академиялық мәліметтер толтырылады. Содан кейін әкімші әр сыныптың жетекшісіне әр оқушы мен ата-ананың құпия сөзін таратады. Сынып жетекшісі өз кезегінде әрбір оқушыға және оның ата-анасына жеке логині мен құпия сөзін береді.
Оқушы, ата-ана, мұғалім логин мен құпия сөз алған соң, сайттағы "Кіру" батырмасын басып, платформаға кіреді. Мұғалім оқушыға баға қойып, үй тапсырмасын жазады. Ата-ана баласының бағаларын қарап, сабақ кестесімен және үй тапсырмасымен таныса алады. Ал оқушы өзінің бағаларын, өзі оқитын сыныптың үй тапсырмасы мен сабақ кестесін ғана көруге мүмкіндігі бар.[2]