Уикипедия

Қазақстан Республикасы Білім және ғылым министрлігі

Қазақстан Республикасы Білім және ғылым министрлігі — 2022 жылға дейін Қазақстан Республикасының Үкіметі құрамына енген орталық атқарушы органы. 2022 жылы ҚР Білім және ғылым министрлігі екіге бөлініп, Қазақстан Республикасының Оқу-ағарту министрлігі және Қазақстан Республикасының Ғылым және жоғары білім министрлігі құрылды. Бұл туралы №917 Жарлыққа қол қойылды.[1]

Қазақстан Республикасы Білім және ғылым министрлігі
(ҚР БҒМ)
Жалпы мағлұмат
 Қазақстан
Құрылған уақыты 1999
Оның алдындағы мекеме Қазақстан Республикасының білім, мәдениет және денсаулық сақтау министрлігі
Таратылған уақыты 2022
Орнына келген мекеме Оқу-ағарту министрлігі және Ғылым және жоғары білім министрлігі
Жоғарыда тұрған мекеме Қазақстан Республикасының Үкіметі
Штаб-пәтері 010000, Астана, Есіл ауданы, № 35 көше, № 8 үй
Министр Саясат Нұрбек
Ресми сайты
edu.gov.kz

Министрлік Қазақстан Республикасы аумағындағы білім және ғылым салаларына басшылықты және заңнамада көзделген шекте білім, ғылым, балаларды қорғау және жастар саясаты салаларында салааралық үйлестіруді жүзеге асырады. Министрліктің негізгі міндеттері білім, ғылым және ғылыми-техникалық қызмет, сондай-ақ мемлекеттік жастар саясаты саласында бірыңғай мемлекеттік саясатты қалыптастыру, білім алу үшін қажетті жағдайлар жасау, ғылыми зерттеулер ұйымдастыруды жетілдіру және олардың бәсекеге қабілеттілігін арттыру, балалардың құқықтары мен заңды мүдделерін қорғауды қамтамасыз ету болып табылады.[2]

Тарихы

өңдеу

Қазақстан Республикасы 1999 жылы 13 қазандағы Жарлығымен[3] ҚР Денсаулық сақтау, білім және спорт министрлігі мен Ғылым және жоғары білім министрлігінің қайта ұйымдастырылуының нәтижесінде құрылды[4].

ҚР Үкіметінің 2001 жылы 16 қаңтардағы қаулысымен[5] ҚР Білім және ғылым министрлігінің Жоғары аттестациялық комиссиясы мемлекеттік орган болып табылатын ҚР Білім және ғылым министрлігінің Жоғары аттестациялық комитеті мемлекеттік мекемесі болып қайта құрылды. Осыған сәйкес министрлік туралы ережеге оның Жоғары аттестациялық комитеті — ведомствосы бар екендігін көрсететін толықтыру енгізілді.

ҚР Президентінің 2004 жылы 29 қыркүйектегі Жарлығымен[6] министрлік оған ҚР Көлік және коммуникациялар министрлігінің Аэроғарыш комитетін қосу жолымен қайта ұйымдастырылды. Комитетке сонымен қатар қайта ұйымдастырылған ҚР Мәдениет министрлігінің мемлекеттік жастар саясаты саласындағы функциялары берілді. Өз кезегінде, министрліктің инновацияларды дамытуды үйлестіру, қолданбалы ғылыми зерттеулерді, инновациялық кәсіпкерлікті жүргізу, қолданбады ғылыми-техникалық бағдарламаларды қалыптастыру саласындағы функциялары ҚР Индустрия және сауда министрлігіне берілді.

ҚР Үкіметінің 2004 жылы 28 қазандағы қаулысымен[7] министрлік туралы ереже бекітілді. Министрліктің Жоғары аттестациялық комитеті министрліктің Білім және ғылым саласында қадағалау және аттестациялау жөніндегі комитеті болып қайта құрылды, оған министрліктің бақылау-қадағалау және реттеу функциялары берілді. ҚР Көлік және коммуникациялар министрлігінің Аэроғарыш комитеті ҚР Білім және ғылым министрлігінің Аэроғарыш комитеті болып қайта ұйымдастырылды.

Министрлік басшылықты және заңнамада көзделген шектерде өз құзіретіне жатқызылған салада салааралық үйлестіруді жүзеге асыратын ҚР орталық атқару органы болуға табылады. Министрліктің негізгі міндеттері білім, ғылым және ғылыми-техникалық және аэроғарыш, сондай-ақ мемлекеттік жастар саясаты саласында бірыңғай мемлекеттік саясатты қалыптастыру; білім алу үшін қажетті жағдайлар жасау; ғылыми зерттеулердің ұйымдастырылуын жетілдіру және олардың бәсекеге қабілеттілігін арттыру; балалардың құқықтары мен заңды мүдделерін қорғалуын қамтамасыз ету.[8]

Құрылымы

өңдеу

Министрлікті басқарғандар

өңдеу
№ Есімі Басқарған және басқаруын аяқтаған уақыты Суреті
1 Ғалым Әбілсейітов 30 маусым 1992 — 11 қазан 1994
2 Владимир Школьник тамыз 1994 — қазан 1999  
3 Қырымбек Көшербаев қазан 1999 — 18 желтоқсан 2000  
4 Нұралы Бектұрғанов 18 желтоқсан 2000 — қаңтар 2002  
5 Шәмшә Беркімбаева қаңтар 2002 — 14 маусым 2003
6 Жақсыбек Құлекеев 14 маусым 2003 — 14 желтоқсан 2004
7 Бірғаным Әйтімова 14 желтоқсан 2004 — 19 қаңтар 2007  
8 Жансейіт Түймебаев 19 қаңтар 2007 — 22 қыркүйек 2010  
9 Бақытжан Жұмағұлов 22 қыркүйек 2010 — 2 қыркүйек 2013  
10 Аслан Сәрінжіпов 2 қыркүйек 2013 — 10 ақпан 2016
11 Ерлан Сағадиев 10 ақпан 2016 — 2019
12 Күләш Ноғатайқызы Шәмшидинова 25 ақпан 2019 — 13 маусым 2019
13 Асхат Қанатұлы Аймағамбетов 2019 — 10 маусым 2022  
14 Саясат Нұрбек 11 маусым 2022  

Дереккөздер

өңдеу
  1. ↑ https://egemen.kz/article/315055-qr-bilim-dgane-ghylym-ministrligi-ekige-bolindi
  2. ↑ Қазақстан Республикасының министрліктері мен комитеттері.
  3. ↑ "Қазақстан Республикасы мемлекеттік органдарының құрылымын жетілдіру және олардың құзіретін нақтылау жөніндегі шаралар туралы" ҚР Президентінің 1999 ж. 13 қазандағы № 235 Жарлығы (ҚР ПҮАЖ, 1999, № 49, 462-бап).
  4. ↑ 1999-2000 жж. кезеңдегі мемлекеттік органдар туралы мәліметтер: қараңыз-Қазақстан Республикасының мемлекеттік билік органдары (1991 ж. 16 желтоқсан - 2001 ж. 1 қаңтар). Анықтамалық. ҚР ПМ. - Алматы: БҮ "Эдельвейс", 2004. 536-537 б. (Құрастырушылардың ескертпелері)
  5. ↑ "Қазақстан Республикасы Білім және ғылым министрлігінің Жоғары аттестациялық комиссиясы қайта ұйымдастыру туралы" ҚР Үкіметінің 2001 ж. 16 қаңтардағы № 61 қаулысы (ҚР ПҮАЖ, 2001, № 1-2, 16-бап).
  6. ↑ "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004, № 36, 474-бап)
  7. ↑ "Қазақстан Республикасы Білім және ғылым министрлігінің мәселелері" ҚР Үкіметінің 2004 ж. 28 қазандағы № 1111 қаулысы (ҚР ПҮАЖ, 2004, № 40, 522-бап).
  8. ↑ Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9

Сыртқы сілтемелер

өңдеу
«https://kk.wikipedia.org/w/index.php?title=Қазақстан_Республикасы_Білім_және_ғылым_министрлігі&oldid=3362742» бетінен алынған