Күләш Ноғатайқызы Шәмшидинова

	Күләш Шәмшидинова;
Лауазымы
25 ақпан 2019 жыл — 13 маусым 2019 жыл
Президент	Қасым-Жомарт Тоқаев
Ізашары	Ерлан Сағадиев
Ізбасары	Асхат Аймағамбетов
Ақпан 2002 жыл — Мамыр 2005 жыл
Президент	Нұрсұлтан Назарбаев
Сәуір 2007 жыл — Қазан 2009 жыл
Қазан 2009 жыл — Наурыз 2023 жыл
Ізашары	қызмет пайда болды
Ізбасары	Жанғозин Әнуар Қанатұлы
Өмірбаяны
Партиясы	Аманат
Білімі	Әл-Фараби атындағы Қазақ ұлттық университеті
Мамандығы	Ғалым, химия мұғалімі
Азаматтығы	КСРО →; Қазақстан
Дүниеге келуі	4 наурыз 1958 (66 жас); Бесқайнар ауылы, Киров ауданы, Алматы облысы, , КСРО
Сайты	www.nis.edu.kz
Күләш Шәмшидинова Ортаққорда
	өңдеу

Күләш Ноғатайқызы Шәмшидинова (4 наурыз 1958 жыл, Бесқайнар ауылы, Киров ауданы, Алматы облысы) — Қазақстанның мемлекет қайраткері, ғалым, педагог, химия мұғалімі, «Назарбаев Зияткерлік мектептері» ДББҰ Басқарма Төрайымы^[1].

Өмірбаяны

Шәмшидинова Күләш Ноғатайқызы Жетісу облысы Киров (қазіргі Көксу ауданы) ауданының Бесқайнар ауылында дүниеге келген. Орта білімін бітірген соң, жоғары білімді Әл-Фараби атындағы Қазақ ұлттық университетінің химия факультетінде алған, 1979 жылы аяқтаған. Бірінші жұмыс орны 1979 жылы Алматы облысындағы, Көксу ауданындағы Амангелді атындағы орта мектепте химия пәнінің мұғалімі болған. 1981-1986 жылдар аралығында комсомолдық қызметте еңбек еткен.

Комсомолдық жұмыстардан кейін түрлі деңгейлерде партиялық жұмыс етті. Басында, 1986 жылдан бастап Талдықорған облыстық партия комитетінде нұсқаушы қызметін атқарған, ал 1991 жылы Талдықорған қалалық партия комитетінің хатшысы ретінде еңбек еткен.

1991 жылы партиялық жұмыстарды аяқтап білім саласында қызмет етті. 1992 жылға дейін Талдықорған облыстық мұғалімдердің білімін жетілдіру институтында директордың орынбасары болды.

1992 -1996 жылдары Талдықорған қаласындағы №18 Б.Жолбарысұлы атындағы мектеп директорының қызметін атқарды.

1996 жылдан бастап қалалық атқарушы органдарында жұмыс жасаған. Талдықорған қаласының әкімінің орынбасары 1996 - 2002 болып, 2002 жылдың ақпан айынан Қазақстан Республикасы Білім және ғылым министрлігінде вице-министр лауазымына тағайындалған.

2005 - 2007 жылдары - «Бөбек» РМКК Ұлттық ғылыми практикалық білім және сауықтыру орталығының Бас директоры болған.

2007 жылы Қазақстан Республикасы Білім және ғылым министрлігінде вице-министр лауазымына қайта тағайындалған.

2009 жылғы қазан - 2023 жылғы наурыз аралығында «Назарбаев Зияткерлік мектептері» ДББҰ Басқарма Төрайымы болды.^[2]