Кәдімгі өгейшөп

Кәдімгі өгейшөп (лат. Tussilago farfara) – астралылар тұқымдасына жататын кішігірім алтын түстес гүлдері бар көпжылдық өсімдік Ресей аумағы мен Қазақстанның таулы аудандарында көп кездеседі. Өгейшөп аталу себебі, оның жапырағының төменгі жағы барқыттай жұмсақ әрі жылы - денеге басқан кезде ол кәдімгідей жылу береді; ал жапырақтың беткі жағы - қатты әрі салқын. Демек ол сырты салқын болғанымен, шындығында емдік өсімдік ретінде адамдарға көп жақсылық жасайды және медицинада ежелден бері қолданып келеді. Сонымен қатар өгейшөп - керемет балшырын көзі, өзінің қантты шірнесімен және гүл тозаңымен әйгілі. Ерте көктемде оның алтындай сары гүлшоғырына аралар үймелеп, ең алғашқы көктемгі тозаңы мен шырынын жинайды. Өгейшөп гүлдері қары еріп ашылған ойдым жерлерде бірінші болып бой көтереді де, жапырақсыз-ақ гүлдей бастайды. Ылғалды күн батар алдында өгейшөптің гүлшоғыры қауызын жауып алады. Кейде мынандай көріністі байқауға болады: жотаның терістік салқын беткейлерінде әлі де қар жатқан кезде, көктемгі мейірімді күн сәулесі түсетін күнгей жағында өгейшөп гүлдері көз қуанта жайқалып тұрады. Суретте - Іле Алатауының осы аттас шатқалындағы таулы Есік өзенінің жағасында өскен өгейшөп.

Дереккөздер

Қазақстан флорасының кереметтері кітабы, Э.Н.Баталова