Кәкен Көбейсінов

Кәкен Көбейсінов (1931, Бөкей ордасы ауданы, Мешітқұм а.) - еңбек ардагері, КСРО-на еңбек сіңірген халықтық бақылау қызметкері. Алматы мемлекеттік ауыл шаруашылық институтын және оның аспирантурасын бітірген. 1961-63 ж. Орда а. ш. механикаландыру уч-щесінде оқытушы, Орда, Жәнібек, Фурманов аудаңдарының шаруашылық-кеңес қызметі саласында істеді. 1961-91 ж. облыстық халықтық бақылау к-ттері төрағасының орынбасары болды. Қазір Бат. Қазақстандағы ядролық-ракеталық сынаққа қарсы «Нарын» қоғамдық бірлестігінің жетекшісі. Халықаралық «Невада-Семей» қозғалысын үйлестіру кеңесінің мүшесі, облыстық мәслихаттың депутаты.