Кәсіпорындарды, құрылыстарды және басқа да объектілерді орналастыру, жобалау және салу шарттары

Кәсіпорындарды, құрылыстарды және басқа да объектілерді орналастыру, жобалау және салу шарттары — судың жай-күйіне әсер ететін кәсіпорындарды, құрылыстарды және басқа объектілерді орналастыру, жобалау және салу, бұл жағдайда мыналар қамтамасыз етілуге тиіс: суды ұтымды пайдалану, сутоғандарынан алынатын судың есебін жүргізу, жер бетіндегі және жер астындағы суларды ластанудан, былғанудан және сарқылудан қорғау жөніндегі шараларды орындау; балықты, суда жүзетін құстарды, су хайуанаттарын және жағалаудағы эко- жүйелерді корғау жөніндегі шараларды жүзеге асыру; судың зиянды әсерін болдырмау, жерді су басудан, су астында қалудан, сортаңданудан және кұрғаудан қорғау; айналадағы ортаның экологиялық тұрақтылығын сақтау. Өндіріс жағдайы бойынша қайталамалы сумен жабдықтауға және қалдықсыз технологияға көшіріле алмайтын кәсіпорындарды қоспағанда, өнеркәсіп орындарын сумен жабдықтаудың тура ағыс жүйелерін жобалауға және салуға жол берілмейді.