Кәсіптік лицей №1

Кәсіптік лицей №1 – арнаулы орта оқу орны. КСРО Химия өнеркәсібі министрлігі жұмысшыларды жабдықтау басқармасы және облыстағы пластмасса зауытына жоғары білікті жұмысшы мамандықтарын дайындау мақсатында 14.4.1986 ж. №6 КТУ құрылды. 90-жылдары пластмасса зауытының тоқырауына байланысты өз жұмысын тоқтатты. Кейіннен облыстық бюджет қаржысы есебінен қайта ашылып, қазіргі атымен аталады. Лицей негізінен «Бақылау-өлшеу приборлары мен автоматика жөндеушісі» (КИПиА), «Тамақтану мекемелері маманы», «Әмбебап-тігінші», «Компьютер құрылғыларын жөндеу технигі», «Электр жабдықтарын жөндеуші слесарь-электрик» мамандықтары бойынша мамандар дайындайды. Аталған мамандықтар бойынша теориялық және өндірістік оқуларды өткізуге лайықталған пән кабинеттері, оқу-өндірістік шеберханалар мен зертханалар жұмыс жасайды. Орта білім беретін оқу орнын қайта ашылған уақыттан бері Б.Қ. Ғұбашев басқарып келеді.