Көкжиде (құмды алқап)
Көкжиде – Құмжарған құмының оңтүстік-батысындағы құмды алқап.
| Көкжиде | |
| Сипаттамасы | |
|---|---|
| Теңiз деңгейiнен биіктігі | 280 м |
| Ұзындығы | 40 км |
| Ені | 17 км |
| Орналасуы | |
| 48°23′07″ с. е. 57°16′12″ ш. б. / 48.38528° с. е. 57.27000° ш. б. (G) (O) (Я)Координаттар: 48°23′07″ с. е. 57°16′12″ ш. б. / 48.38528° с. е. 57.27000° ш. б. (G) (O) (Я) | |
| Ел |  Қазақстан |
| Аймақ | Ақтөбе облысы |
| Орналасуы | Құмжарған құмының оңтүстік-батысы |
Басқа мағыналар үшін Көкжиде деген бетті қараңыз.Географиялық орны өңдеу
Ақтөбе облысы Мұғалжар ауданы жерінде, Жем және Темір өзендерінің суайрығында орналасқан.
Жер бедері өңдеу
Солтүстік-шығыстан оңтүстік-батысқа қарай 40 км-ге созылып жатыр, енді жері 17 км. Теңіз деңгейінен 270 – 280 м биіктікте. Көкжиденің жер бедері жалды-төбешікті келеді.
Өсімдігі өңдеу
Құм беткейлері жусан, қияқ, қау, бетеге, жүзгін, т.б. шөптермен бекіген. Грунт суы жақын жатқан ойпауытты жерлерінде қамыс, тал шоғырлары өскен. Мал жайылымына қолайлы. Көкжиденің солтүстігінде Көкжиде мұнай кен орны орналасқан.[1][2]
Дереккөздер өңдеу
- ↑ Қазақ энциклопедиясы
- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1