Көктал (Байзақ ауданы)

КөкталЖамбыл облысы Байзақ ауданындағы ауыл, Көктал ауылдық округінің орталығы.

Ауыл
Көктал
Әкімшілігі
Ел

 Қазақстан

Статусы

Ауылдық округ орталығы

Облысы

Жамбыл

Ауданы

Байзақ

Ауылдық округ

Көктал

Тарихы мен географиясы
Координаттары

42°59′47″ с. е. 71°26′06″ ш. б. / 42.99639° с. е. 71.43500° ш. б. / 42.99639; 71.43500 (G) (O) (Я)Координаттар: 42°59′47″ с. е. 71°26′06″ ш. б. / 42.99639° с. е. 71.43500° ш. б. / 42.99639; 71.43500 (G) (O) (Я)

Құрылған уақыты

1932

Бұрынғы атаулары

Политотдел

Уақыт белдеуі

UTC+6:00

Тұрғындары
Тұрғыны

2,5 мың адам (2009)

Сандық идентификаторлары
Телефон коды

+7 72637

Автомобиль коды

08

Көктал картада
Көктал
Көктал
Көктал картада
Көктал
Көктал

Географиялық орныӨңдеу

Аудан орталығы – Сарыкемер ауылынан батысқа қарай 5 км-дей жерде, Талас өзенінің тармақтары жағалауында, бұта аралас жусан, баялыш, күйреуік басым өскен шалғынды боз топырақты шөлейт белдемде орналасқан.

ХалқыӨңдеу

  • 1,9 мың адам (1999);
  • 2,5 мың адам (2009).

ТарихыӨңдеу

Көктал ауылы - 1932 жылы кішігірім 7 ауылдан құралып, бір колхоз болып ұйымдасқан. 7 ауыл тек нөмірмен белгіленген. 1935 жылдан бастап "Политотдел" колхозы деп аталған. Политотдел өз алдына ауылдық Кеңес болып 1980 жылы құрылды. 2002 жылдан Көктал ауылдық әкімшілігі болып қайта өзгерді. 1994 жылы ауыл ақсақалдарының және тұрғындарының ұсынысымен "Политотдел" ауылы "Көктал" деген атаумен өзгертілді. Себебі, алғашқы колхоздастыру кезеңінде ауылды қоршай жасыл желек егілген, ол көп кешікпей ну орманға айналған. Сондықтан, сырттан келгендер сол қалың талдарына орай "Көктал ауылына бара жатырмыз" дейді екен. Еліміз егемендік алғаннан кейін Қазақстан Республикасы Үкіметі жанындағы мемлекеттік ономастикалық комиссиясының 06.02.1997 жылғы ұйғарымымен аталмыш ауыл тарихи атауын қайта алды. Ауыл кеңес өкіметі кезінде Жамбыл жұмыртқа-құс фабрикасының орталығы болып келді. Оның негізінде 1997 жылдан Көкталда серіктестік және 14 шаруа қожалығы жұмыс істейді.

ИнфрақұрылымыӨңдеу

Орта мектеп, клуб, кітапхана, фельдшер-акушерлік пункт, т.б. мекемелер бар.

Ауылдың шығыс жағында Талас өзенінен тартылған "Жұмабай" каналы бар. болса, батыс жағында Мәдімар болыстың атасы Белқожа бидің каналы жатыр. Соның жанында Белқожа каналынан тартылып қолдан жасалған "Бөгет" тоғаны бар. Ауылдың солтүстік бетінде Қазақстан Республикасы мәдени ескерткіштерді қорғау қорына енгізілген "Төрткүл" қорғаны орналасқан. Биік төбенің басына орналасқан, жауға тойтарыс беруге арналған қорғанның құлаған тұстары сақталған.[1]

ДереккөздерӨңдеу

  1. Жамбыл облысының топономикалық атаулары