Көкшетау қаласының тарихы мұражайы

Көкшетау қаласының тарихы мұражайы — республикалық маңызы бар мұражай. Ғимараты қаланың ескі бөлігі Қанай би көшесі, 32 үйде орналасқан. Құрылысына келсек, бір қабатты, қаусырмалы терезелерден тұратын, қоңыр үй.

Көкшетау қаласының тарихы мұражайы
Құрылған уақыты	2000 жыл
Орналасқан жері	Көкшетау,  Қазақстан

Мұражай қорында 16 мың экспонат сақталуда. Олар 1824 жылдан бастап қазіргі уақытқа дейінгі Көкшетаудың тарихын бейнелейді.

Тарихы

XIX ғасырдың аяғы мен ХХ ғасырдың басында бұл жерде Кеңес дәуірінің 1889-1905 жылдарғы қоғам қайраткері В.В. Куйбышевтың жанұясы тұрған. Ұлы Отан соғысы кезінде Кеңес әскерінің жараланған жауынгерлеріне арналған госпиталь орналасқан бұл жерде кейін бұл үйде В.В. Куйбышевтің мұражайы ретінде ашады. Ал 2000 жылы ол қаланың тарихи мұражайы болып қайта құрылды.

Мұражай құрылымы

Бірінші залы Абылай хан, Кенесары, Қанай би секілді тарихи тұлғалар туралы құнды жәдігерлерге толы. Олардың өмірі мен қызметі XVIII ғасырдағы Көкшетау қаласымен тығыз байланысты болған. Залдың шағын көлемді экспозициясы белгілі қазақ тарихшысы Шоқан Уәлиханов жайлы құнды мағлұматтар береді.

Екінші залда В.В. Куйбышев атындағы мемориалды музей мұрағаттары қорының кейбір экспонаттары қойылды. Сонымен бірге Кеңес өкіметінің қалыптасу жылдарын бейнелейтін құжаттар мен фотоматериалдардың үлгілері, ХХ ғасырдың басындағы Көкшетау көріністерін бейнелейтін фотосуреттердің жиынтығы да бар. Науан Хазірет атындағы мешіттің суреттері де экспозицияның қатарына кіреді.

Үшінші залдың экспозициясы Көкшетау қаласындағы темір жолдың пайда болуына арналады. 1922 жылдан бері алғашқы пойыздар қатынай бастады. Осы залдағы өзге жәдігерлер болса, Ұлы Отан соғысы және тың игеру жылдарындағы Көкшетауды бейнелейді.

Төртінші залда келушілердің назарына өнеркәсіптік кәсіпорындардың дамуы мен қазіргі қаланың тарихы туралы мәліметтер ұсынылады. Бұл жерде қойылған стендттер денсаулық сақтау, білім беру салаларының тарихын сипаттайды. Тәуелсіз Қазақстанның жемісті кезеңдерін де сипаттайтын тарихи жәдігерлерді орналастырылған.

Бесінші залда қала мәдениетінің дамуы туралы мәліметтер жинақталған. Экспозиция музейдің ауласында экскурсия аяқталады. Ондағы жабық алаңда «Кадиллак» маркалы автокөлік, жүгенді көліктер — қысқы шана мен арба қойылған.

Галерея

• 
• 
  "Кадиллак" маркалы автокөлік және жүгенді көлік
• 
  Мұражай ескерткіші

Дереккөздер

• http://e-history.kz/kz/publications/view/1241 Мұрағатталған 9 қарашаның 2017 жылы.
• Ақмола облысы әкімінің ақпараттық порталы