Көтібар мұнарасы
Көтібар мұнарасы – тарихи-архитектуралық ескерткіш. 1869 жылы Көтібар Итаяқұлының бұйрығымен салынған.[1]
Тарихы
өңдеуБұл мұнараны Көтібар би өзінің мұрап (гидротехник) болған әкесі Итаяқ Өзденбайұлына арнап салады. Бірақ Көтібар дүниеден өткен соң, мұнараның басына жерленген. Осыдан бұл "Көтібар мұнарасы" деп аталып кеткен.
Бұл мұнараның басына Көтібардың 1925 жылы қайтыс болған ұлы Әли де жерленген.
Географиялық орны
өңдеуКөтібар мұнарасы қазіргі Қызылорда облысының Сырдария ауданындағы Шіркейлі ауылы маңында орналасқан.
Сипаты
өңдеуМұнара шикі кірпіштен қаланған, ішінде айналып шығатын баспалдағы бар. Ірге тасының диаметрі 4 м, биіктігі 10 м. Көтібар мұнарасы жоғары қарай өтетін есіктері бар 4 қабаттан тұрады. 1982 жылы республикалық маңызы бар тарих және мәдениет ескерткіштерінің тізіміне енгізілді. Ескерткішке қатысты материалдар Қызылорда облыстық тарихи-өлкетану музейінде сақтаулы.[2]
Дереккөздер
өңдеу- ↑ КӨТІБАР МҰНАРАСЫ (ХІХ ҒАСЫР), Қызыл Орда Облыстық газеті, https://oldkaz.kyzylorda-news.kz/news/lifnews/22895-ktbar-mnarasy-hh-asyr.html, 2024 жылдың 26 тамыз күні тексерілді
- ↑ Қазақ ССР 4 томдық қысқаша энциклопедия./Бас редактор Р.Н. Нұрғалиев; Алматы; Қаз.Сов. Энциклопед. Бас. редак. 1989 ISBN 5-89 800-009-7