Лада Владимировна Джиенбаланова

Лада Владимировна Джиенбаланова (тұрмыс құрғанға дейінгі тегі — Карпенко; 10 сәуір 1970 жылы туған) — қазақстандық бессайысшы, Қазақстан Республикасының еңбек сіңірген спорт шебері.

Мансабы

1997 жылдан пентатлонмен айналысады (ертеректен бастап осы спорт түрімен айналыса бастаған, бірақ тарап кеткенен кейін жүзу спортына ауысып кетті).

1997 жылы бірінші Азия чемпионатында жеке біріншілікте де, топтық біріншіліктеде де екінші орын алды.

2002 жылы пентатлон бойынша Азия чемпионаттының жеңімпазы. 2002 жылы Азия ойындарының жеке біріншілігінде бірінші орын алды. Осы жеңістерінің арқасында Азияның үздік пентатлоншысы атанды.

Лада Афина Олимпиадасына Мәскеуде өткен әлем чемпионатынан іріктелініп алынды, онда ол 9-шы орында иеленді. Афина олимпиадасында жеке есепте 14-ші орынды иеленді.

2004 жылы Азия чемпионатында жеке және топтық алтынды, сонымен қатар эстафетада қола медальді ұтып алды. Өз жерінде өткен әлем чемпионатында топтық алтынды, ал жеке біріншілікте жеңіске бір табан қалғанда жеңіліске жетті. Токиодағы Азия чемпионатында және Сеулде жеке күмісті жеңіп алады.

2008 жылы Пекиндегі Олимпиадада тек 36-шы орында болды.

2010 жылы Гуанчжоуда өткен Азиада да қазақстан топтық құрамында қола медальді жеңіп алды. Жеке есепте басқа спорт түрлері бойынша, мысалы атқа мінуден 16 қатысушылардың арасында 13-ші орынды иеленді.

Әлем кубогының екі кезеңінде де үшінші болды (Пекин-2004 және Каир-2006), екінші орын (Митфилд-2007). Сонымен қатар Әлем кубагы кезеңінің эстафетасында үшінші орынды иеленді (Венгрия).

Әлем чемпионатында ең жоғарғы жетістікке жетті – 4 орын (Берлин, 2007).

Отбасы

Тұрмыс құрған. Екі баласы бар. Қызы — Арина (1992 ж.т.) — 2012 жылы заманауй бессайыс бойынша Азия чемпионы, Қазақстан Республикасының халықаралық дәрежедегі спорт шебері. Ұлы — Тимур (1996 ж.т.).

Марапаттары

• «Қазақстанның еңбек сіңірген қайраткері» атағы (2002).