А-Корунья

А-Корунья ( ресми галис. A Coruña, ресми емес исп. La Coruña) — Испания мемлекетінің солтүстік-батысында орналасқан қала, шипажай және кемежай. Галисия автономиялық бірлестігінің құрамына енетін Ла-Корунья провинциясының әкімшілік орталығы. Ла-Корунья қаласы тұрғындарының саны 2009 жылғы санақ бойынша 246 056 адамды құраған.

Қала
A-Корунья
галис. A Coruña
Елтаңбасы
Әкімшілігі
Ел	ИспанияИспания
Автономилық бірлестік	Галисия
Провинция	Ла-Корунья
Алькальд	Хавьер Лосада
Тарихы мен географиясы
Координаттары	43°22′ с. е. 8°23′ б. б.43.367° с. е. 8.383° б. б. / 43.367; -8.383
Бұрынғы атаулары	Круния
Жер аумағы	37,83 км²
НУМ биіктігі	0 м
Уақыт белдеуі	UTC+1, жазда UTC+2
Тұрғындары
Тұрғыны	246 056 адам (2009)
Сандық идентификаторлары
Пошта индексі	15001-15011
aytolacoruna.es
A-Корунья A-Корунья
A-Корунья шекарасы

Географиясы

Ла-Корунья қаласы Атлант мұхиты жағалауын бойлай созылып жатыр.

Тарихы

ІІ ғасырда Ла-Корунья мүйісінде римдіктер шамшырақ тұрғызады,бүгінгі таңдағы Геркулес мұнарасы.991 жылы Сантьяго-де-Компостелаға бара жатқан қажылар келгеннен соң мұнда кемежай пайда болады.XIII ғасырда патша Альфонсо IX-дың тапсырмасы бойынша кемежайдың айналасындағы елді мекен қайта салынып,Круния деген атау алады.1588 жылы Ла-Корунья портынан "Жеңімпаз армада" деп аталатын соғыс кемелерінің үлкен құрамасы шығады,осы құраманың жеңілісінен кейін қала теңіз қарақшысы Френсис Дрейктің шабуылына тап болады. XVI—XVII ғасырларда Ла-Корунья "Жаңа дүние" деген атпен испан саудасының маңызды орталығына айналады.1809 жылы қаланы Напалеонның әскері жаулап алады.Содан ағылшын генералы Джон Мурдың жасағы қаланы француз әскерінен босатып алады.

Экономикасы

Бүгінгі таңда Ла-Корунья қаласы Галисия ауданындағы ең бай алқап.Қаланың кемежайы,мұнай өңдеу өнеркәсібі,алюминий өнеркәсібі,кеме жасау өнеркәсібі,азық-түлік және тоқыма өнеркәсібі жылдан-жылға дами түсуде.Қару-жарақ өндірісі мен балық аулау кәсібі қаланың маңыздылығын одан әрі көтеруде.

Қаланың назар аударарлық орындары

• Геркулес мұнарасы Ла-Корунья мүйісінің батысында орналасқан
• Көне қаланың орталық алаңы Мария-Пита алаңы болып саналады
• Риас-Альтас шипажайы көптеген тамаша қонақүйлері бар және құмды жағажайлы Галисияның атлантикалық жағалауы болып саналады
• Қаланың көз тартарлық жерлерінің бірі - Санта-Барбара және Санто-Доминго монастырлары
• Сан-Карлос бақшасында Ла-Корунья қаласын француздардан құтқарушы ағылшын генералы Джон Мур жерленген
• Сан-Антон сарайы

• 
  Ла-Корунья ратушасы
• 
  Геркулес мұнарасы
• 
  Генерал Джон Мурдың бейіті

Сыртқы сілтемелер

• Ресми беті
• Муниципалдық кеңес