Лимон торты

Лимон торты. Жұмыртқаның сары уызы былғанып, оған біртіндеп қант ұлпасы, ұн, сода және лимон қабығының үгіндісі қосылады. Шыққан қоспа жұмыртқаның бұлғанған ақ уызымен араластырылады. Қамыр майланып, кепкен нан ұлпасы себілген қалыпқа салынады да, орташа температурада 25 минут пісіріледі. Торт аласа болмау үшін 20 сантиметрден аспайтын қалып алған дұрыс. Торт салқындатылып үшке бөлінеді. Жұмыртқаның ақ уызы шайқалып, оған қант ұлпасы бұлғана отырып, лимон сөлі мен лимонның үгілген қабығы қосылады. Май ағарғанша былғанып, жұмыртқаның ақ уызымен араластырылады. Осы креммен торттың арасы майланады, бетіне және жиегіне глазурь (20 минут бойы жұмыртқаның ақ уызы мен қант ұлпасына біртіндеп лимон сөлін қоса отырып былғанады) жағылады. Содан соң торт сөндірілген жылы пешке 10 минут қойылады. 4 ас қасық ұнға — 6 жұмыртқа, 0,5 кесе қант ұлпасы, 0,5 шай қасық сода, 1 лимонның қабығы, кремге — 3 жұмыртқаның ақ уызы, 1 лимон, 230 г сары май, дәміне қарай қант ұлпасы, глазурьге — 2 жұмыртқаның ақ уызы, 1 кесе қант ұлпасы, 1 лимонның сөлі.

Тағы қараңыз

• Лимон

• Лимон қышқылы