Ли Чон Сок

Ли Чон Сок (ағылш. Lee Jong Suk; кәрісше: 이종석) — корея актері, модель.

Ли Чон Сок/Lee Jong Suk
이종석
Жалпы мағлұмат
Туған күні	14 қыркүйек 1989 (1989-09-14) (35 жас)
Туған жері	Йонъин, Оңтүстік Корея
Мамандығы	актер, модель
Белсенді жылдары	2005 — қазіргі уақыт
IMDb	ID 4347327

1989 жылы, қыркүйектің 14 күні Оңтүстік Кореяда Йонъин қаласында дүниеге келді. Wellmade STARM (웰메이드이엔티) орталығының жұлдызы. Чон Сок өзінің «Мен сені естимін», «Жат елдік дәрігер», «Пиноккио», «W: Екі әлемнің арасында», «Сен ұйықтап жатқанда», «Өлімді мадақтау» телесериалдарындағы рөлдері мен «VIP» толық метражды фильміндегі рөлімен танымал.

Оқуы

Ли Чон Сок орта оқуын Ян Чжэ мектебінде (Yang Jae High School/양재고등학교) және жоғарғы оқуын Konkuk University (건국대학교) университетінде аяқтаған.

Жеке өмірі

Танымал бола бастағаннан соң Ли Чон Соктың да артынан оның жеке өмірі жайында әңгімелер жүретін болды. Жанкүйерлері көп жағдайда оны түсірілім алаңындағы әріптестерімен қарым-қатынаста деп танығаннан соң, оған жиі жалған фактілердің дұрыс емес екендігі жайында айтып, ресми түрде түсініктемелер беруге тура келеді. Кейінірек Ли қазіргі уақытта өз жүрегінің бос екендігін ресми түрде мәлімдеді.

Отбасы

Чон Соктың отбасында ата-анасы, інісі мен қарындасы бар. Актер үйндегі тұңғыш перзент болып табылады.

Қызығушылықтары

Кішкентайында актер шахмат ойнағанды және сурет салғанды ұнатқан. Ал кейін оның музыкалық аспаптарға деген қызығушылығы артып, ол фортепианода ойнап үйренген. Чон Соктың айтуы бойынша, бұл аспапта ойнау оны депрессия мен стресстен құтқарып отырған. Алайда, уақыт өте келе оның әкесі ұлын тхэквондоға қатыстырады. Ли бұл спорт түрін ұнатпағандығымен, әкесіне қарсы шықпай, соңында қара поястың иесі болды.

Карьерасы

Орта мектепте оқып жүрген кезінде жас жігіт модель ретінде мансабын Корея елінің астанасында 2005 сән апталығы кезінде Seoul Collection танымал маркасының ерлер киімінің коллекциясын көрсетуден бастады. Бұл сән апталығына әлемнің түрлі елдерінің жетекші дизайнерлері қатысты. Ол сол кезде осы масштабтағы сән көрсетілімдеріне қатысқан өз еліндегі ең жас модель болды.

Осы кезеңде ол айдол-топтардың бірімен келісімшартқа қол қойып, трейни болды. Бірақ, оның актерлік дебюті де қарастырылған келісімшарттағы уәде үш ай аралығында да орындалмағандықтан, ол бұл құжаттан бас тартты.

Кейін ол Seoul Broadcasting System (SBS) хабар тарату станциясында актерлерді іріктеуден сәтті өтіп, 16 жасында алғаш рет «Sympathy» қысқа метражды таспасында экранға шықты. Сол кезде дауыс беру қорытындысы бойынша ол жаңа модельдер арасында жеңімпаз және South Korean Superstar Selection Competition сыйлығының иегері болды. 2006 жылы ол «Most Photogenic» санатындағы SMART Model Contest марапатына үміткерлер арасында бірінші орынға ие болды.

Келесі үш жыл бойы ол көрсетілімдер мен кастингтерге атсалысқанымен, олар ешқандай нәтиже бермеді. Бұл сәтсіздіктер мен өз ата-анасының наразылығының әсерінен жігіт депрессияға ұшырап, үйден шықпай, достарымен сөйлесуді доғарды. Бірақ 2010 жылы ол «Сүйкімді прокурор» атты көпбөлімді драмада қосалқы рөлге ие болды. Дәл осы кезеңде оның үлкен экрандағы дебюті «Елес» атты фильмде орын алды.

2010 жылдың аяқ жағында Ли «Құпия бақ» дорамасында талантты гомосексуал муызкант Хан Тэ Санның рөлін ойнады. Бұл рөлден соң мансабын жаңа бастап келе жатқан актерді көшедегі адамдар танып, тіпті, қатал әкесі де ұлының ойынын мақтады.

Жас жігіттің танымалдылығы 2011 жылы «Тоқтаусыз соққы 3: Кек» комедиялық-романтикалық ситкомы шыққаннан кейін одан әрі арта бастады. Оған актриса және әнші Чон Кристалдың кейіпкерінің ағасы Ан Со Джунның рөлі сеніп тапсырылды. Ал осы рөлді керемет сомдап шыққандығы үшін ол Baeksang Arts Awards-тағы номинацияға ие болды.

2012 жылдағы жетістік толқынында Ли бірден төрт жобада пайда болды. Ол Корей соғысының кезеңдері туралы сипатталған «Базаға оралу» толықметражды фильмінде Джи Сок Хеннің, сондай-ақ, 1991 жылы Чиба қаласында (Жапония) үстел теннисі жарыстары кезінде болған оқиғалар туралы баяндайтын «Жалғыздай» спорттық драмасында Чой Кенг-Субтың шағын рөлін сомдады. Осы жылы ол «Мектеп 2013» дорамасындағы оқушы Го Нам-Сунның рөлін жоғары деңгейде алып шыққандығы үшін «Үздік жаңа актер» категориясында өзінің алғаш KBS Drama Awards киномарапатына ие болды.

Сонымен қатар, Чон Сок өзінің талантын «Мен керемет болғанда» атты мелодрамада да көрсете алды. Осы кезеңде актер «Мықты жүрек» және «Бірге бақытты» ойын-сауық телешоуларының қонағы және SBS арнасындағы «The Music Trend» бағдарламасының жүргізушісі болды. Чон Соктың мансабындағы келесі маңызды жоба 2013 жылы шыққан және оған ең жақсы ер рөлі үшін бірнеше жаңа киномарапаттарын әкелген «Мен сенің дауысыңды естимін» дорамасы болды.

Фильмографиясы

Телесериалдар

• Сүйкімді прокурор / Prosecutor Princess / 검사 프린세스
• Құпия бақ / Secret Garden / 시크릿 가든
• Тоқтаусыз соққы 3: Кек
• Мектеп 2013 / School 2013 / 학교 2013
• Мен керемет болғанда
• Мен сенің дауысыңды естимін / I Can Hear Your Voice / 너의 목소리가 들려
• Potato Star 2013QR3
• Жат елдік дәрігер / Doctor Stranger / 닥터 이방인
• Пиноккио / Pinocchio / 피노키오
• W: Екі әлемнің арасында / W: Between Two Worlds / 더블유
• Weightlifting Fairy Kim Bok-joo / 역도요정 김복주
• Го Хоның жұлдызды түні

• Сен ұйықтап жатқанда / While You Were Sleeping / 당신이 잠든 사이에
• Өлімді мадақтау / The Hymn of Death / 사의 찬미
• Қосымша роман / Romance Is a Bonus Book / 로맨스는 별책부록
• Big mouth / 빅마우스

Фильмдер

• Sympathy / 시대교감 (қысқа метражды фильм)
• Елес / Ghost / 유령
• Жалғыздай / As One / 코리아
• Базаға оралу / R2B: Return to Base / 알투비
• The Face Reader / 관상
• Дем алмастан / No Breathing / 노브레싱
• Керемет жастық шақ / Hot Young Bloods / 피끓는 청춘
• V.I.P. / 브이아이피
• Жалмауыз кемпір 2 / The Witch 2 / 마녀 2
• Децибел / Decibel / 데시벨