Лукин Владимир Дмитриевич

Лукин Владимир Дмитриевич 1952 жылы 7 тамызда Солтүстік-Қазақстан облысы Марьевка ауылында туған. Орыс. Әкесі - Лукин Дмитрий Григорьевич, марқұм, қызметкер болған. Анасы - Лукина Татьяна Яковлевна, марқұм.

К.Д. Ушинский атындағы Петропавловск педагогикалық институтының дене тәрбиесі факультетін (1972) дене тәрбиесі пәнінің оқытушысы мамандығы бойынша; Абай атындағы Алматы педагогикалық институтының көркемсурет-графика факультетін (1978) сурет сабағының мұғалімі мамандығы бойынша бітірген.

Солтүстік-Қазақстан мемлекеттік университетінің профессоры (2000 жылдан). Орыс және нөміс тілдерін біледі. Көркембейнелеу өнеріндегі әдісі - сурет, мүсін өнері. Орыс тіліндегі өмірбаяндық хикаят - «Екі өмір» кітабының (2007) авторы; 2008 жылы кітап ағылшын тіліне аударылды (Хьюстон); қазақ тіліндегі тәржімесі жарыққа шығу алдында. Мүсін өнеріндегі негізгі жұмысы - Алматы қаласындағы Әулие-Вознесенск кафедралді соборындағы көркем сурет (2000-2005). Республикалық, бүкілодақтық, халықаралық көрмелерге қатысушы, оның ішінде АҚШ қалалары бойынша жылжымалы көрмесі (2007-2008); Америка медицина академиясының 75 жылдығына арналған Сан-Франциско (8 наурыз, 2008); Чикаго (20 шілде, 2008) қалаларындағы көрмелері. Жұмыстары АҚШ, Нидерланд, Грекия, Германия, Англия, Жапония, Корея, Францияның және т.б. жеке коллекцияларында бар. «Сторн Слоун» (Хьюстон, АҚШ), «Стурре» галереяларында (Нидерланд), Қазақстан Республикалық галереясында (Алматы ) көрсетілген. «Саябақта» - «Жаңбырдан кейінгі екеу» (2008) сериясы бойынша салған картинасы үшін АҚШ Көркемөнерлер академиясының алтын медалімен марапатталған. КСРО және ҚР Суретшілер одағының мүшесі. Конькимен тез жылдамдықта жүгіру халықаралық кластағы КСРО спорт шебері. Қазақстан жастары арасындағы абсолютті чемпион (1971). Коньки жарыстары спорты бойынша КСРО БО чемпионы (1972-1973).

Діни көзқарасы - православиелік.

Саяси қайраткер ретіндегі идеалы - Т. Рузвельт.

Қазақстанның болашағы туралы болжамы - «Оптимистік».

Хоббиі - көгал алаңцары, гүлдер.

Сүйіп оқитын әдебиеті - классикалық орыс әдебиеті. Үйленген. Жұбайы - Лукина Ольга Михайловна, меди-цина ғылымдарының кандидаты, дәрігер. Ұлы - Игорь (1990 жылы туған.); қызы - Юлия (1992 жылы туған).