Лхаса

Лхаса — Тибеттің астанасы. Кейде оны «Ласа» деп те атайды. Лхаса Гепхел тауының баурайында орналасқан. Қала дәстүрлі түрде Далай Ламаның отыратын орны болып саналады. Сонымен бірге мұнда Потала және Норбулингка сарайлары орналасқан. Осыған байланысты Тибет буддистері қаланы Тибеттегі ең қасиетті орталық деп санайды. «Лхаса» сөзі «Құдайлар мекені» деген мағына береді. Ежелгі Тибет жазбалары мен құжаттарында бұл жер «Раса» деп аталған екен. Қала негізінен Лхаса қалалық префектурасының бөлігі болып табылады. Префектура шағын жеті округтен тұрады. Ертедегі Тибет тарихында Лхасаның алатын орны жайында түрлі пікірлер айтылады. Лхаса - Тибет буддизмінің орталығы. Қала тұрғындарының жартысына жуығын сопылар құрайды. Жазық жерде орналасқандықтан табиғаты жұмсақ. Мұнда қақаған қыспен адам төзгісіз ыстық жаз болмайды. Потала сарайы - Лхасадағы ең көрікті орындардың бірі Ерте замандарда Лхаса қаласын «Ұмыт болған қала» деп атағаң ол кезде қасиетті қалаға тек тибеттіктерге ғана кіруге рұқсат етілген. Потала сарайы, Джоканг ғибадатханасы, Сера монастырі және Жефенг ғибадатханасы секілді көптеген тарихи орындар бар. Гий өзені Чушул округінде Брахмапутра өзеніне келіп құяды. Сондықтан бұл жердің табиғаты керемет. Лхаса қаласында Джоканг ғибадатханасын қоршай орналасқан үш соқпақ жол бар. Мінәжат етушілер осы жолдарды айнала жүріп Құдайға құлшылық қылады.^[1]