Магниттік тәсілмен дыбыс жазу

Магниттік тәсілмен дыбыс жазу

Магниттік тәсілмен дыбыс жазу — дыбыс жиілігі диапазонындағы электр сигналдарын (яғни дыбысты) ферромагнетик таспаға түсіру. Магниттік тәсілмен дыбыс жазу ферромагнетик материалдардың магнит өрісі әсерінен магниттелу құбылысына негізделген. Бұл тәсілдің басқа тәсілдерден артықшылығы — ол дыбысты жазып ала салысымен-ақ қайта есітуге мүмкіндік береді. Оған қоса магниттік таспаға жазылып алынған дыбысты өшіріп тастап, оның орнына басқа дыбыс жазуға болады. Осылай дыбыс тасығышты (ферромагнетик таспаны) көп рет қайталап пайдалануға болады. Магнит тәсілмен электр сигналдарын ферромагнетик таспаға жазуға арналған аппараттар екі топқа бөлінеді:

• Дыбыстың жиілік диапазонындағы (дыбыс, музыка)
• Диапазондардағы электр сигналдарын (телевизор, фототелеграфтық, т.б. кескіндер) жазу аппараттары.

Дыбыстық сигнал жазу аппараты магнитофон, ал кескін сигналын жазу аппараты бейнемагнитофоны деп аталады.

Дереккөздер

• Қазақ энциклопедиясы