Майдажелек

Майдажелек
	; Erigeron glaucus
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
(unranked)	Asterids;
Сабы:	Asterales;
Тұқымдасы:	Asteraceae;
Кіші тұқымдасы:	Asteroideae;
Тайпасы:	Astereae;
Кіші тайпасы:	Conyzinae;
Тегі:	Erigeron; L.
түрлері
	400 түрі белгілі

Майдажелек , эригерон (лат. Erigeron) – астралылар тұқымдасына жататын көп (кейде бір) жылдық шөптесін өсімдіктер. Қазақстанда жазық жерлер мен қыратты далаларда, альпі шалғындарында өсетін 31 түрі бар. Бұлардың биіктігі 1 м-дей. Тамыры өзекті, ұршық тәрізді. Сабағы бұтақты, түзу, қабықты. Жапырақтары қияқ тәрізді, ұзынша әрі сүйір, олар сабаққа қарама-қарсы орналасады. Ақ, сары, қызғылт, көгілдір, күлгін түсті гүлдері себет гүлшоғырына топталған. Кейде гүлдері ашылғаннан кейін басқа түске (мыс., сары қызыл түске, ал қызғылт гүл ақшылға) өзгереді. Мамыр — маусым айларында гүлдеп, тамызда жеміс салады. Тұқымшасында 1 — 2 қатардан тұратын қылтанды айдаршасы болады. Майдажелек негізінен әсемдік үшін өсіріледі. Өсімдік гүлдеген кезде жиналған мүшелерінде эфир майы болады, сондықтан оны медицинада дәрі жасауға пайдаланады. Майдажелектің кейбір түрлері — арамшөп космополит өсімдіктер (мыс., Канада Майдажелекгі, т.б.).

Дереккөздер

Қазақ энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.