Майкөмген ауылдық округі
Майкөмген ауылдық округі — Атырау облысы Жылыой ауданындағы әкімшілік бірлік. Оңтүстігінде Маңғыстау облысымен, солтүстігінде Қосшағыл ауылдық округімен шектеседі.
| Қазақстан ауылдық округі | |
| Майкөмген ауылдық округі | |
| Облысы | |
|---|---|
| Ауданы | |
| Құрылған уақыты |
2002 |
| Округ орталығы | |
| Енеді |
1 ауыл |
| Тұрғыны (2021) |
▲1279 |
| Жер аумағы | |
| Әкімі |
Нұржарық Сағиұлы Сауытов |
| Округ әкімдігінің мекенжайы |
Майкөмген ауылы, Айнымас көшесі, №74 |
| Уақыт белдеуі | |
| Автомобиль коды |
06 |
Әкімшілік құрамы
өңдеуҚұрамындағы жалғыз елді мекен әрі әкімшілік орталығы – Майкөмген ауылы[2]. Округ құрамында болған Аққұдық ауылы 2013 жылы таратылған.[3]
Сипаттамасы
өңдеуАумағы 78004 га. Жайылым 3243 га, басқалай жерлер 56867 га. Округ орталығы аудан орталығы Құлсары қаласынан оңтүстікке қарай 60 шақырым қашықтықта орналасқан. Округ аумағынан Атырау-Ақтау тас жолы, Атырау-Маңғыстау темір жолы өтеді.
Тарихы
өңдеуЖылыой ауданының Майкөмген ауылдық округі 2002 жылы Атырау облысы әкімінің 21.06.2002 жылғы №186 Қаулысы және 29.08.2002 жылғы №221-ІІ-ХІХ сессиясының шешіміне сәйкес Ақкиізтоғай селолық округінен бөлініп, бұрынғы асыл тұқымды «Коммунизм таңы» кеңшары аумағы негізінде құрылған.[4]
Географиялық жағдайы
өңдеуКлиматы қуаң, континенттік, жазы ыстық, қысы суық. Қаңтардың орташатемпературасы– 8ºС. Солтүстігінде - 14ºС, кейде - 30ºС дейінгі аязды күндер болады. Шілденің орташа температурасы +30-31ºС аралығында. Ауыл көлемі негізінен шөл-шөлейт аймақ зонасына жататындықтан ылғалы аз, жері ащы, сорлы жерлерге тән өсімдіктер өседі. Ауыл аумағындағы жануарлар дүниесінде негізінен кемірушілер, бауырымен жорғалаушылардың үлесі басым. Кездесетін негізгі жануарлар: қасқыр, түлкі, қарсақ, борсық, күзен, т.б.
Халқы
өңдеу2021 жылғы санақ қорытындысы бойынша округтегі халық саны 1279 адамды құрайды.[5]
| Елді мекен | Халқы, адам (1989) |
Халқы, адам (1999) |
Халқы, адам (2009) |
Халқы, адам (2021) |
|---|---|---|---|---|
| Майкөмген | 940 | 1038 | 379 | 1279 |
| Аққұдық | 381 | 325 | 190 | - |
Ауылдық округтегі өндірістік кәсіпорындар, мекемелер және басқа құрылымдар
өңдеу- шаруа қожалығы -14
- пошта бөлімшесі -1
- дүкендер -3
- асхана, шайхана -2
Негізгі экономикалық және әлеуметтік көрсеткіштер
өңдеу- мал саны барлығы: оның ішінде -9 512 бас
- ірі мүйізді қара -1 887 бас
- жылқы -566 бас
- түйе -1 264 бас
- қой және ешкі -5 795 бас
- ет өндіру -1 640 тонна
- сүт өндіру -740 тонна
- жүн өндіру -16,7 тонна
Мәдени-әлеуметтік сала
өңдеу- аурухана -1
- мектеп -1
- кітапхана -1
- автокөлік, барлығы -167[6]
Дереккөздер
өңдеу- ↑ Жылыой ауданы бойынша 2022-2023 жылдарға арналған жайылымдарды басқару және оларды пайдалану жөніндегі жоспарын бекіту туралы
- ↑ "Қазақ энциклопедиясы", X том
- ↑ Атырау облысы Жылыой ауданы Қосшағыл селолық округінің Тұрғызба және Майкөмген селолық округінің Аққұдық елді мекендерін тарату туралы
- ↑ http://atyrau.gov.kz/page/read/Majkomgen_gil.html Мұрағатталған 17 шілденің 2020 жылы. Майкөмген ауылдық округ әкім аппараты
- ↑ 2021 жылғы ұлттық халық санағының қорытындылары
- ↑ Төлеуов Наурызбай. Ақкиізтоғай жылнамасы 1928-2018 жж. Атырау, «Ақ Жайық», 2022. ISBN 978-601-7876-78-4