Майра Смайылқызы Ғұмарова

Майра Смайылқызы Ғұмарова (1961 жылы 27 сәуірде Гурьев облысы Балықшы ауданының Дамба ауылында туған) — журналист, мемлекеттік қайраткер.

Майра Смайылқызы Ғұмарова
Туған күні	27 сәуір 1961 (1961-04-27) (62 жас)
Туған жері	Дамба, Балықшы ауданы, Гурьев облысы, Қазақ КСР
Азаматтығы	Қазақстан  КСРО (1961-1991)
Ұлты	қазақ
Қызметі	тілші, мемлекеттік қайраткер

Өмірбаяны

С.М. Киров атындағы Қазақ мемлекеттік университетінің журналистика факультетін бітірген (1990), журналист. Ұлты - Қазақ. Қазақ және орыс тілдерін біледі.

1978 жылдан - Маңғышлақ облысы Ерәлиев кенті №7 ОМ аға пионер жетекшісі.

1980 жылдан - «Маңғыстау» облыстық газетінің корректоры (Форт-Шевченко қ.).

1982 жылдан - Гурьев облысы Балықшы ауданының «Каспий арайы» газетінің корректоры.

1986 жылдан - С.М. Киров атындағы Қазақ мемлекеттік университетінің студенті; Маңғышлақ облысы Қарақия ауданы «Түлеген түбек» газетінің бөлім меңгерушісі.

1995 жылдан - коммерциялық «Альбаз» телеарнасының журналисі (Жаңаөзен қ.).

1997 жылдан Жаңаөзен қаласы қалалық коммуналдық шаруашылық кәсіпорынының инженері.

2000 жылдан - коммерциялық «МИК ТВ» телеарнасының журналисі (Жаңаөзен қ.).

2001 жылдың қаңтарынан - Маңғыстау облыстық ақпарат және қоғамдық келісім басқармасының маманы.

2001 жылдың шілдесінен - Маңғыстау облысы әкімі аппаратының бұқарамен байланыс бөлімінің бас маманы.

2002 жылдың шілдесінен - Маңғыстау облысы әкімі аппаратының бас маманы - баспасөз хатшысы.

2002 жылдың желтоқсанынан - Маңғыстау облысы әкімі аппараты ақпараттық қамтамасыз ету бөлімінің бас маманы - баспасөз хатшысы.

2003 жылдан - Маңғыстау облысы әкімі баспасөз қызметінің бас маманы, 2005 жылдан - жетекшісі.

2006 жылдан - Маңғыстау облысы Мәдениет басқармасының бастығы.

2012-2013 жылдары - Маңғыстау облысы тілдерді дамыту басқармасының басшысы.

Марапаттары

Маңғыстау облысы әкімінің алғыс хатымен аталған (2005).