Майтабан

Майтабан (мякиш); (лат. torus — майтабан) — жануарлар тұяқтарының артқы жағында орналасқан, пішіні жастық тәріздес серпімді тері туындысы. Ол орналасу орнына байланысты тізе, тілерсек, жіліншік, тұяқ (саусақ) майтабандары болып бөлінеді. Құрылысы жағынан майтабан эпидермистен, дермадан және шел қабаттарынан тұрады. Майтабан эпидермисінен тұяқты сыртынан қаптап тұратын қалың мүйізді қабат жетіледі. Шел қабатындағы борпылдақ дәнекер ұлпасында май ұлпасы көп мөлшерде жиналып, дәнекер ұлпасы талшықтарымен арқауланып, майтабан жастығын жасайды. Майтабан — сезім мүшесі, майтабан жастығы серпімділік қызметін атқарады.