Майтамыр

	; Symphytum caucasicum
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
(unranked)	Asterids;
Сабы:	Incertae sedis;
Тұқымдасы:	Boraginaceae;
Тегі:	Symphytum; L.
Үлгілік түрі
	Symphytum officinale;
түрлері
	37 түрі белгілі

Майтамыр (лат. Symphytum) – айлауыктар тұқымдасына жататын көп жылдық шөптесін өсімдіктер. Қазақстанда Сырдария жерінде, Балқаш— Алакөл ойысында, Тарбағатайда, Жетісу (Жоңғар) Алатауында кездеседі. Суармалы шабындықтарда, көлдердің жағасы мен батпақты жерлерде өсетін 1 түрі — дәрілік Майтамыр (S. оffіcіnale) бар. Оның биіктігі 40 — 100 см-дей. Сабағы тік, жапырағы тұтас, жалпақ, пішіні қауырсын тәрізді (ұзындығы 10 — 15 см, ені 3 — 5 см). Гүлшоғырын қызғылт немесе ақ түсті гүлдер құрайды. Негізінен жәндіктермен (ара, түкті арамен) тозаңданады. Маусым — шілде айларында гүлдеп, жеміс салады. Жемісі — жаңғақша. Дәрілік Майтамырдың тамырында алкалоидтар және илік заттар болады. Оны медицина мен ветеринарияда дәрі алу үшін қолданады. Жапырағын тағамға қосады.

Дереккөздер

Қазақ энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.