Максим Ильич Собко

Максим Ильич Собко(1908, Қостанай облысы,Сарыкөл ауданы, Водинка ауылы - 1944, Тернополь облысы,Чертков ауданы,Косов ауылы) - 2-дүниежүзілік соғысқа қатысушы, кіші сержант, сапер (мина тазартқыш),украин. Кеңес әскері қатарына 1942 жылдың қаңтар айында шақырылған. Украинаны азат етуде Собко бірнеше рет батылдық көрсетті. Сумы қаласы маңында (Украина) болған шайқаста ол жерге көмілген 100-ден астам минаны алып шығып, Кеңес әскерлерінің алға жүруіне жол ашты. Вышгород қаласы маңында Днепр өзенін кесіп өтерде қарсы жағалауға паромды жеткізу үшін қанат (аркан) тартуды қамтамасыз етті. Собко мұздай суға түсіп, құлаған екі зеңбіректі арқанмен мықтап бекітті де, қарсы жағалауға жеткізді. Батыр ұрыс даласында қаза тапты. Осы ерлігі үшін КСРО Жоғарғы Кеңесі Төралқасының Жарлығымен Собкоға Кеңес Одағының Батыры атағы берілді (13.11.1943). Челябі облысы,Троицк қаласында Собкоға бюст орнатылған.