Малдың өсімталдығы

Малдың өсімталдығы - малдың төл беру қабілеттілігі. Әр мал түлігінің өсімталдығы әр түрлі болады. Оған малдың жыныстық жетілуі мен буаздығының мерзімі, туған төлінің саны ықпал етеді. Мысалы, түйе екі жылда бір рет әдетте, жалқы табады, шошқа жылына екі рет тұқымына қарай 10-15, тіпті 20-30 торайдан туады. Малдың өсімталдығы мал тұқымына, күтіміне, сыртқы табиғи ортаға, тегіне байланысты өзгереді. Малдың өсімталдығын мал тұқымын асылдандыру арқылы арттыруға болады.