Мал жаю

Мал жаю - малды жайылым отымен өрістете отырып азықтандыру. Жайылымдағы малды қалай болса солай өрістетпей, белгілі тәртіппен жаяды. Алдымен малды өрістететін шаруашылық жайылымдарының маусымын және күнделікті кезегін белгілеп, олардың жыл және маусым бойындағы айналымын көздестіреді. Жайылымда жайлатын мал басын есептеп, олардың бір жағынан жайылым отын тықырлап жеп тұяқтарымен тоздырмай, екінші жағынан, гельминттік құрттарды жұқтырмас үшін бір учаскедегі жаю мерзімін 7-8 күнмен шектейді (бұл мерзімде гельминттердің жұмыртқалары жетіліп үлгермейді). Жайылым учаскесінде де малды жаппай қаптатпай, бір шетінен бастап, бірыңғай айнала жайылуын қадағалайды.