Маньчжурия-Корей таулары
Маньчжурия -Корей таулары — Солтүстік-Шығыс Қытай, Солтүстік Корея және Ресейдің Приморье өлкесіндегі тау жүйесі. Ұзындығы 1000 км, ені 500 км шамасында. Уссури өзен аңғарынан Ляодун түбегіне дейін созылып жатыр. Биіктігі 1 — 2 мың м (ең биік жері — Байтоушань жанартауы, 2744 м). Негізінен гранит, метаморфтық тақтатас және әктастан түзілген. Солтүстік-шығысы жоғарғы палеозой қатпарлы құрылымына, оңтүстік-батысы кембрийге дейінгі Ляодун қалқан құрылымына жатады. Кайнозойдағы қатпарлану нәтижесінде пайда болған жарылыстардaн лава көтеріліп, жер бетіне шыққан. Қойнауынан тас көмір, темір, түсті металдар өндіріледі. Климаты қоңыржай муссонды. Жазы жылы (жылдық орташа температурасы шілдеде 18 — 24°С), қысы суық (қаңтарда –22°С-қа дейін), жауын-шашын жаз aйларында көп болады. Өзендерінің ағысы қатты, суы мол. Ормандары қылқанды және жалпақ жапырақты болып келеді. [1]
Дереккөздер өңдеу
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |