Марат Аманкелдіұлы Мұсабаев

Мұсабаев Марат Аманкелдіұлы (23.03.1941 жылы туған, Алматы облысы Еңбекшіқазақ ауданы Жаңашар ауылы) — ғалым, физика-математика ғылымдарының кандидаты (1974), Антарктидада ғылыми-зерттеу жұмыстарын жүргізуге қатысқан тұңғыш азамат. 1965 жылы ҚазМУ-ді бітіріп, сондағы космостық сәулелердің вариациясы лабораториясында істеді, ал 1974 жылдан аға оқытушы болды. Мұсабаев Марат 15.10.1968 - 25.02.1970 жылдары аралығында белгілі полюс зерттеушісі, Кеңес Одағының Батыры Э.Т.Кренкель басқарған экспедицияның құрамында кіші ғылыми қызметкер болып, Антарктидадағы “Мирный” ғылыми обсерваториясында космостық сөулелерді нейтрондық минитон, иондалу камераларының көмегі арқылы зерттеді.