Марат Иманбайұлы Тасмағанбетов

Марат Иманбайұлы Тасмағанбетов (20 тамыз 1971 жылы, Андреевка ауылы, Рузаев ауданы, Көкшетау облысы ) - экономист.

Әкесі - Тасмағанбетов Иманбай (1947 жылы туған), зейнеткер. Анасы - Тасмағанбетова Мәрияш (1948 жылы туған), зейнеткер. Көкшетау ауыл шаруашылығы институтының агрономия факультетін (1994) «Агрономия», ғалым-агроном мамандығы бойынша; Алматы экономика және статистика институтының «Бухесеп және аудит» факультетін (2002) «Бухгалтерлік есеп және аудит», экономист мамандығы бойынша бітірген. Қазақ және орыс тілдерін біледі.

• 1988 жылдан - Көкшетау облысы Рузаев ауданының «Привольный» кеңшары бидай диірменінің жұмысшысы.
• 1989 жылдан - Көкшетау ауыл шаруашылығы институтының студенті.
• 1994 жылдан - Көкшетау облысы Рузаев ауданының «Привольный» кеңшары №2 бригадасының есепшісі.
• 1995 жылдан - СҚО Целинный ауданы «Батыс» кеңшарының №1 бригадасының агрономы, тұқым зерттеуші-агрономы, басагрономы.
• 1998 жылдан -СҚО Целинный ауданы «Батыстық-Қазақстан» ЖШС директоры.
• 2000 жылдан - «Вест» ЖШС директоры (СҚО Ғабит Махмұтұлы Мүсірепов атындағы ауданының Батыс ауылы).
• 2006 жылдың қазанынан бері - Солтүстік Қазақстан облысы Ғабит Махмұтұлы Мүсірепов атындағы ауданының әкімі. «Құрмет» орденімен (2007), «Тыңға 50 жыл» медалімен

(2004) марапатталған. ҚР Президентінің Алғысымен ескерілген (2001).

Діни көзқарасы - ислам.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Әлеуметтік-экономикалық дамудың барлық аспектілері бойынша әріқарай өсу. Бейбітшілік пен тұрақтылықты нығайту, әлемдік қауымдастықта шешуші ұстанымдар иелену».
Хоббиі - волейбол.
Сүйіп оқитын әдебиеті - денсаулықты нығайту, сондай-ақ ауыл шаруашылығы туралы әдебиет.

Үйленген. Жұбайы - Тасмағанбетова Дина Қалымтайқызы (1976 жылы туған), үй шаруасымен айналысады. Қызы - Иманбаева Әйгерім (1997 жылы туған); ұлы - Иманбаев Әлішер (2002 жылы туған).