Марат Нұрбеков

Марат Нұрбеков 1942 жылы 25 маусымда Алматы облысы Жамбыл ауданының Қарасу ауылында туған. Қазақ. С.М. Киров атындағы Қазақ мемлекеттік университетінің заң факультетін бітірген (1972), заңгер-құқықтанушы. КОКП мүшесі (1965-1991). 1959-1967 жылдары - ҚазКСР 30 жылдығы атындағы ұжымшардың жұмысшысы; Кеңес Әскерінің қатарында қызметте; Алматы қалалық Айналадағы тәртіпті қорғау басқармасының милиционері. 1972 жылдан - Шығыс Қазақстан облыстық сотының судьясы. 1977 жылдан - Маңғышлақ облыстық соты төрағасының орынбасары. 1982 жылдан - Маңғыстау облыстық әділет бөлімінің бастығы. 1987 жылдан - Шымкент облыстық сотының төрағасы. 1991 жылдан - ҚР әділет министрінің орынбасары, бірінші орынбасары. 1997 жылдан - Апматы облыстық сотының төрағасы. 1999 жылдан - Оңтүстік Қазақстан облыстық сотының төрағасы. 2003 жылдан - Апматы қалалық соты азаматтық істер алқасының төрағасы. Қызметінен босатылған судья. Қазіргі уақытта ҚР Жоғарғы соты жанындағы Судьялық қазылар алқасының мүшесі болып табылады. Әділет біліктілік алқасының бірінші төрағасы. ҚР Жоғары Сот Кеңесінің мүшесі. «Құрмет» орденімен, 4 медальмен, ҚР Судьялар одағының «Үш би» құрмет белгісімен марапатталған. ҚР Құрметті судьясы.

• Саяси қайраткер ретіндегі идеалы - Төле би, Әйтеке би, Қазыбек би.
• Үйленген. Жұбайы - Нұрбекова Мәнсия Бөкенқызы (1947 жылы туған). Ұлдары - Жандос (1971 жылы туған), математик, кәсіпкер; Айдын (1974 жылы туған), ҚР әскери сотының кассациялық сот алқасының төрағасы.