Маржанағаш

Маржанағаш - бұршақ тұқымдасына жататын ағаш. Діңі, бұтағы тікенді болып келеді. Үш құлақты жапырағы жыл сайын түседі. Гүл шоғыры саусақ салалы. Гүлі қызыл, ұзындығы 5 см. Жемісі - маржан тәрізді ашық қызыл тұқымша. Маржанағаш тропиктен тараған. Ауа райы жылы жерлерде әсемдік үшін өсіріледі, Бразилияда Марданағашының қабығынан медицинада дәрі алынады. Америкада Маржанағаш тез өсетіндіктен кофе, какао плантациясында егіледі.