Марков Константин Константинович

Марков Константин Константинович - совет географы, геоморфолог, КСРО ғылым академиясының академигі (1970), РКФСР - дің еңбек сіңген ғылым қайраткері (1966). Ол 1905 жылы 7 мамырда дүниеге келген. 1948 жылдан КОКП мүшесі. Ленинград университетін бітірді (1926). 1937 жылға дейін Ленинград университетінде жұмыс істеді, КСРО ғылым академиясының геология және география институтында зерттеу жұмыстарына қатысты. 1938 жылдан геоморфология бөлімінің меңгерушісі. 1940 жылдан профессор, 1946 жылдан Мәскеу мемлекеттік университеті палеогеография кафедрасының меңгерушісі, 1945-55 ж. география факультетінің деканы. Ленинград облыстық және Карелияда, Памир және Тянь-Шаньда, КСРО-ның Еуропалық бөлігінің көптеген ауд-дарында, Врангель аралында, Кола түбегінде, Кавказда, Бат. және Шығ. Сібірде, үш рет Антарктидада (1955-60) зерттеу жұмыстарын жүргізген экспедицияларға қатысқан. Негізгі еңбектері КСРО территориясындағы төрттік дәуірде жан-жақты күрделі зерттеуге, тарихи принциптерді геогр. зерттеулерде жүзеге асыруға т.б. мәселелерге арналған. Марков Мәскеу университетінің география факультетінің бірқатар жаңа кафедраларын ашуға көп еңбек сіңірді. Польша және Хорватия география қоғамдарының құрметті мүшесі, Лодзь университетінің құрметті докторы, Семенов - Тянь-Шанский атынд. алтын медальға ие болған. "Антарктика атласын" жасауға қатысқаны үшін КСРО-ның Мемлекеттік сыйлығын алды (1971). 2 орденмен, медальдармен марапатталған. Бірқатар еңбектері қазақ тіліне аударылған.

Дереккөздер

М.Қаратаев. Қазақ совет энцеклопедиясы. 7 том.