Матан Мұраталиев

Матан Мұраталиев (31 желтоқсан 1935, Жамбыл облысы, Қордай ауданы, Қаракемер - 25 шілде 1985, Алматы) — актер, Қазақстанның еңбек сіңірген әртісі (1982).

Матан Мұраталиев
Жалпы мағлұмат
Туған күні	31 желтоқсан 1935 (1935-12-31)
Туған жері	қазіргі Қаракемер, Қордай ауданы, Жамбыл облысы, РКФСР
Қайтыс болған күні	25 шілде 1985 (1985-07-25) (49 жас)
Қайтыс болған жері	Алматы, Қазақ КСР
Азаматтығы	КСРО
Мамандығы	актер

Өмірбаяны

Дулат тайпасының Жаныс руынан.

1959 жылы Алматы өнер институтын бітірді.

1956 - 1961 жылы казіргі Қазақ жастар мен балалар театрының труппасында, 1964 жылдан өмірінің соңына дейін Қазақ академия драма театры құрамында актер болды.

Ойнаған рөлдері

Қазақ драматургиясының туындылары бойынша Қазақ академия театрында қойылған спектакльдерге қатысып, ұлттық мінез-кейіптер жасады. Олардың қатарында Матай, Есен, Абыз (М.Әуезовтін "Қарагөзі" мен "Еңлік - Кебегінде"), Нарым-бет (Әуезов пен Л.С. Соболевтің "Абайында"), Рыскелді (Т.Ахтановтың "Сәулесінде"), Қалабай (Ә.Тәжібаевтың "Той болардасында"), Досан (Б.Майлиннің "Майданында"), Атан (С.Жүнісовтің "Ажар мен ажалында"), Шегір (Ш.Құсайыновтың "Қилы-қилы тағдырларында"), Ербол (Б.Римованың "Абай мен Әйгерімінде") рольдері бар.

Жарқын мінезді актер М. өз ойынында сахналык бейнелердің әлеуметтік және психологиялық бояу мазмұнын тереңірек ашуға ұмтылды. Қарапайымдылық пен шынайылык оның актерлік өнеріне тән касиет болатын.

Басқа ойнаған рольдері: Оспан, Сүбанкұл, (Ш.Айтматовтын "Аңсаған менің әнімсің" және "Ана - Жер-анасында"), Шодыр (Қ.Ыскақовтың "Таңғы жаңғырығында"), барон Игельстром (Ғ.Мүсіреповтің "Болашақ аманатында",Левицкий(В.Дельмардың "Өкінішті өмірінде"). 1958 жылдан ("Біз Жетісуд аибызда") киноға түскен. Қазақ радиосының жұмысына да (1968 ж. М.Иманжановтың "Ақмоншак" әңгімесі бойынша радиосценировка жасаған) қатысқан.