Матвей Федорович Шкирятов
Матвей Федорович Шкирятов (1883 жыл 3 (15) тамыз, Вишняково ауылы Тула облысы, Ресей империясы — 1954 жыл 18 қаңтар, Мәскеу, РКФСР) — кеңес және партия қайраткері. Сталиндік репрессияны ұйымдастырушылардың бірі.
Өмірбаяны өңдеу
Шаруа отбасысында дүниеге келген. Мәскеу, Дондағы Ростов, Тулада партиялық жұмыс атқарды. Бірнеше рет тұтқындалып айдауда болды. 1915 жылы армияға алынып, онда солдаттар арасында революциялық үгіт жүргізді. 1917 жылғы Ақпан революциясынан кейін солдат депутаттары Мәскеу Кеңесі атқарушы комитетінің және РСДЖ (б) П Мәскеу комитеті жанындағы әскери бюросының мүшесі, Тула Кеңесі атқарушы комитетінің және әскери-революциялық комитетінің мүшесі. 1918 – 20 жылы тігіншілер кәсіподағы ОК хатшысы, одақтың Мәскеу губерниясы бөлімінің төрағасы, партияның Мәскеу қалалық комитетінің және Мәскеу комитетінің мүшесі. 1921 жылдан РК(б)П ОК аппаратында істеді, партия қатарын тексеру және тазалау жөніндегі Орталық комиссияның төрағасы. 1923 – 34 жылы Орталық Бақылау комиссиясы Төралқасының мүшесі, 1923 – 27 жылы Орталық Бақылау комиссияның хатшысы, 1923 – 24 және 1930 – 34 жылы БК(б)П Орталық Бақылау комиссиясы партия алқасының хатшысы. 1934 жылдан БК (б) П ОК жанындағы Партиялық бақылау комиссиясына мүше, төрағаның орынбасары, 1952 жылдан КОКП ОК жанындағы Партиялық бақылау комитетінің төрағасы. Партияның 8 – 19-съездерінің делегаты, 11 – 16 съездерге Орталық Бақылау комиссиясының, 18 – 19 съездерге Орталық комитет мүшесі болып сайланды. 1952 – 53 жылы КОКП ОК Төралқасының мүшесі. БОАК және КСРО ОАК мүшесі болды. 1 – 3 сайланған КСРО Жоғарғы Кеңесінің депутаты. Қызыл алаңда жерленген.
Марапаттары өңдеу
3 рет Ленин орденімен және бірқатар медальдармен марапатталған. [1]
Дереккөздер өңдеу
- ↑ Қазақ совет энцеклопедиясы. 6 том.