Маулетдин Тілеужанұлы Ізбасар

Маулетдин Тілеужанұлы Ізбасар

Маулетдин Тілеужанұлы Ізбасар

1932 жылы 20 наурызда Қызылорда облысы Арал қаласында туған. Қазақ.

Әкесі - Ізбасар Тілеужан Ізбасарұлы. Анасы - Ізбасар Балқия Жиенбайқызы.

Ленин орденді және Еңбек Қызыл Ту орденді И.В. Сталин атындағы Мәскеутеміржол келігі инженерлер институтының темір жолдарды пайдалану факультетін бітірген (1956), темір жолдарды пайдалану жол қатынасының инженері. Техника ғылымдарының кандидаты (1966). Кандидаттық диссертациясының тақырыбы: «Автоматтандырылған вагон аударғыштың қолданылуымен жаппай жүктерді түсіру стансалары жұмыстарының технологиясын зерттеу». Қазақстан Маркетинг ассоциациясының, Маркетингтің қоғамдық академиясының академигі (2001 жылдан). Қазақ тіліндегі «Маркетинг негіздері» оқу құралының; 60 астам ғылыми еңбектердің авторы.

Қазақ, орыс және ағылшын (сөздікпен) тілдерін біледі.

1956 жылдан - Қарағанды металлургиялық комбинатының инженері, поезд жүрісінің қауіпсіздігі жөніндегі ревизоры, темір жол цехы басшысының орынбасары (Теміртау қаласы). 1962-1965 жылдары - Мәскеу теміржол көлігі инженерлер институтының аспиранты. 1966-1993 жылдары - Алматы халық шаруашылығы институтының аға оқытушысы, доценті, профессоры, жоспарлы жабдықтау ісін жүргізуші факультеті деканының орынбасары, деканы. 1970-1993 жылдары - Қазақ автокөлік ғылыми-жобалау институтында ғылыми-жобалау жұмысын атқарды. 1993-2005 жылдары - Алматы теміржол көлігі инженерлер институтының «Жүк және коммерциялық жұмысты ұйымдастыру» кафедрасының меңгерушісі, «Экономикалық теория» кафедрасының меңгерушісі, «Транспорттық логистика» кафедрасының профессоры.

1998 жылдан бері - «Аlpari» экономикалық журналының ғылыми кеңесшісі.

Алматы қаласы Әуэзов ауданының Ардагерлер кеңесінің мүшесі.

«Ерен еңбегі үшін. В.И. Лениннің туғанына 100 жыл толуы құрметіне» (1970), «1941-1945 жылдардағы Ұлы Отан соғысы жеңісінің алпыс бес жылдығы» медальдарымен марапатталған (2005).

Әскери атағы - отставкадағы аға лейтенант.

Қазақстанның болашағы туралы болжамы - «Мәдениеттің, ғылымның, қазақстандықтардың барлық қызмет ету өрісінің өркендеуі».

Хоббиі - туризм.

Сүйіп оқитын әдебиеті - тарихи хроника, қазақ әдебиеті.

Үйленген. Жұбайы - Ізбасар Маян Рахымжанқызы, ҚазБСҚА құрметті профессоры. Қыздары - Гүлзара, «ЛВ Экспресс» ЖШС және «ЛВ Ресгиітепі Агенттігі» ЖШС бас директоры; Балқия, мүсінші; ұлы - Асқар, экономист. 6 немересі бар.