Маулүтхан Сағымбаев

Маулүтхан Сағымбаев (11.1916 жылы туған, Шығыс Қазақстан облысы, Зайсан қаласы) - кинооператор, Қазақстанның еңбек сіңірген өнер қайраткері (1969). 1936 ж. Алматы киношежіре студиясында кинооператор бөлімінде окиды. Сол жылдан бастап деректі фильмдер түсірумен айналысып, 40 жылдан астам уақыт еңбек етті. Ол "Комсомолға 25 жыл!" (1946), "Қазақстан шабындықтары мен жайылымдары" (1956), "Каспий аңыздары" (1958), "Сәлем, Мәскеу" (1959), "Қазақстанның алғашқы шойыны" (1960), "Ертістегі қала" (1962), "Қазақ даласының аңыздары" (1967), "Бибигүл ән шырқайды" (1969), "Сүлтанмахмұт Торайғыров" (1969), "М.Әуезов туралы сыр" (1975), "Бүгінгі Қазақстан" (1986), "Сәтбаев әлемі" (1988), т.б. деректі фильмдердің кинооператоры болды. "Қүрмет белгісі" орденімен және бірнеше рет Қазақстан Жоғарғы Кеңесінің Құрмет грамотасымен марапатталған.