Махмұд Хабайдоллаұлы Абдрахманов

Махмұт Хабайдоллаұлы Абдрахманов (20 шілде 1934 жыл Алматы облысы, Еңбекшіқазақ ауданы, Ташкенсаз ауылында туған) - Филология ғылымдарының докторы, профессор, Қазақстан ұйғыр әдебиеті тарихы авторларының бірі.

Махмұт Хабайдоллаұлы Абдрахманов
Дүниеге келгені:	1934 ж. шілденің 20 (1934—07—20) Алматы облысы, Еңбекшіқазақ ауданы, Ташкенсаз ауылы
Мансабы:	Филология ғылымдарының докторы, профессор, Қазақстан ұйғыр әдебиеті-тарихы авторы

Өмірбаяны

• 1958 жылы Қазақ мемлекеттік университетінің филология факультетін бітірген.

• Ұйғыр тіліндегі «Коммунизм туғи» газетінде әдеби қызметкер

• Қазақ КСР Ғылым академиясының Ұйғыртану бөлімінде аға ғылыми қызметкер болып істеген.

• 1983 жылдан Абай атындағы Қазақ ұлттық педагогикалық университетінде ұзтаздық етіп келеді.

Ғылыми еңбектері

Оның ұйғыр, қазақ және орыс тілдерінде, әр түрлі басылымдарда жарияланған 200-ден астам мақалаларында ұйғыр ақын-жазушыларының шығармашылық жолы, ұлт әдебиетінің даму ерекшеліктері, әдеби байланыстар зерделенген.

М.Абдрахманов — орта мектепке арналған әдебиет бағдарламаларының және оқулықтары авторларының бірі.

Шығармалары мен еңбектері

Бірнеше өлеңдер жинағының авторы. Ол Абай, Пушкин, Р.Ғамзатов, Х.Ерғалиев, Қ.Мырза-Әли, Т.Молдағалиев, т.б. өлеңдерін ұйғыр тіліне аударған. Өз өлеңдері қазақ және орыс тілдерінде жарық көрген.

• "Жүрек жырлары". Өлеңдер. «Жазушы», 1967;
• "Ұйғыр совет әдебиеті тарихы". «Ғылым», 1967;
• "Әрлеу үстінде". Әдеби-сыни мақалалар. «Жазушы», 1977;
• "Белестер". Өлеңдер. «Жазушы», 1983;
• "Адымдар. Өлеңдер. «Жазушы», 1984;
• "Ұйғыр совет әдебиетінің тарихы". «Ғылым», 1986;
• "Жылдар жаңғырығы". Мақалалар мен өлеңдер. Чонжа, 1999;
• "Түйіндер". Өлеңдер мен мақалалар. «Білім», 2004;
• "Шеберлік шыңына үмтылып". «Мир», 2009;
• "Ұйғыр әдебиеті". Оқулық пен хрестоматия, 8 сынып үшін. «Мектеп», 2000;
• "Ұйғыр әдебиеті". Оқулық пен хрестоматия, 10 сынып үшін. «Мектеп», 2003.