Махфузбек Серікбайұлы Ақаев

Махфузбек Серікбайұлы Ақаев (қыркүйек 1915, Қоқан, Түркістан генерал-губернаторлығы, Ресей империясы – 2001, Алматы) – энергетик, Қазақ КСР Энергетика және электрификация вице-министрі (1964-1983).

Өмірбаяны

Шыққан тегі

Ақаев Махфузбек Кіші жүздің Жаппас руынан тарайды. Әкесі - Алаш қайраткері, заңгер Серікбай Ақаев. Шешесі - Гүлжәмила, қазақтың тұңғыш фельдшерлерінің бірі Бақия Шалымбековтің қызы. Гүлжәмиланың шешесі парсы падишаһының немесе оған өте жақын адамның қызы.

Туған жері

Махфузбек 1915 жылы Серікбай Ақаев Қоқан қаласында жұмыс істеп жүрген кезде дүниеге келген. Бұл хабар туралы "Қазақ" газетінің 1915 жылғы шығарылымдарының бірінде айтылады.

Махфузбек Ташкенттегі университетте оқиды.