Мағрипа Сүлейменқызы

Мағрипа Сүлейменқызы (Мағыш) (1873-1896) - Абайдың сүйікті ұлы Әбдірахманның әйелі.

Мағрипа Сұлейменқызы
Дүниеге келгені:	1873
Қайтыс болғаны:	1896
Жұбайы:	Әбдірахман

Өмірбаяны

• 1892 жылы жазда Түркістан аймағына қызметке ауысар алдында Әбдірахман елге демалысқа келген көзінде Мағрипаға үйленген. Абай өзі көп үміт күттірген сүйікті Ұлының оқу бітіріп, үй болғанына ризашылығын білдірген. Әбдірахман Алматыға қызметке кіріскенімен, бұрынғы ауруы қайта қозып, жазылмайтын дертке үшырайды.

Жастай қосылған жарының сырқаты жанына батқан сағыныштан, уайымнан өзі де ауруға шалдығады.

• 1895 жылы қарашада Әбдірахман қайтыс болып, сүйегін Ақшоқыдағы атасы Құнанбай бейітіне әкеліп қояды. Сүйген жарын бір көруге зар болып, қайғы-шерден басын көтере алмаған Мағрипа бір жылға жетпей дүние салады.

Абай Әбдірахман өлгенде сүйікті Ұлына арнап бірнеше жоқтау өлеңін шығарады, сонымен бірге келіні Мағрипаны жұбату ретінде «Әбдірахманның әйелі Мағышқа Абайдың айтқан жұбатуы»(«Жылағанды тоқтатып»), Мағрипаның атынан Абай шығарып берген жоқтау («Айналайын, құдай-ау...») өлеңдерін шығарған. Әбдірахманның Мағрипадан туған жалғыз қызы Рахима 1924 жылы қайтыс болған. Оның Инғам атты ұлы Отан соғысында қаза тауып, ИҺсан есімді екінші баласы соғыстан оралып, 1955 жылы дүние салған. Мағрипаның Марфуға деген қызы қазір Алматыда тұрады.