Маңғыстаумұнайгазбарлау

«Маңғыстаумұнайгаз барлау» тресі - Маңғыстауда мұнай-газ кендерін іздестіру мен барлауға мамандандырылып, «Қазақстан мұнай» бірлестігінің қарамағында 1957 жылы ұйымдасты. Форт-Шевченко қаласында орналасты.

• Трест Түбіжік, Қызан, Ақшымырау, Қошақ, Жетібай, Өзен, тағы басқа алаңдарда мұнай іздестіру жұмыстарын жүргізді. 1961 жылдары ірі Жетібай, Өзен кендерінің ашылуымен және бұл ауданда мұнай барлау жұмыстарының өрістеуіне байланысты, 1962 жылдары Жетібай, Өзен барлау экспедициялары ұйымдастырылды, ал «Маңғыстаумұнайгаз барлау» тресі Ералиев кентіне (қазіргі Құрық ауылы) көшірілді (1973).
• 1960 жылдары трест пен экспедиция геологтары Жетібай және Өзен кендерінде сапалы барлау жүргізіп, Теңге, Тасболат, Шығыс Жетібай, Қарамандыбас, Ақтас, Доңға, тағы басқа кендерін ашып оларға барлау жүргізді. Осының нәтижесінде елімізде мұнай өндірудің жаңа ауданы пайда болды. «Маңғыстаумұнайгаз барлау» бірлестігі қалыптасты, қысқа мерзімде Мақат-Бейнеу-Өзен темір жол, Өзен – Атырау – Самара мұнай құбыры салынды, Жаңаөзен қаласы дүниеге келді.
• 1965 жылдары трест құрамында жаңа Оңтүстік Маңғыстау мұнай-газ барлау экспедициясы ұйымдастырылды.
• 1966 жылдары «Маңғыстаумұнайгаз барлау» тресі Еңбек Қызыл Ту орденімен марапатталды, ал мамандар тобы Лениндік сыйлық иегері болды.
• 1973 жылдары жүргізілген қайта ұйымдастыру нәтижесінде «Маңғыстаумұнайгаз барлау» тресі кешенді мұнай-газ барлау экспедициясы, ал Жетібай, Қарақия, Оңтүстіk Маңғыстау экспедициялары кешендік «Маңғыстаумұнайгазбарлау» экспедициясының ауданы, инженер-техникалық қызметін атқарушы болды. Кешенді экспедиция Елемес, Нысанов, Айыршағыл, тағы басқалар алаңдарда терең бұрғылау (5 км-ден астам) жүргізді.
• 1992 жылы экспедиция өндірістік геология бірлестігі болып қайта құрылып, «Маңғыстаумұнайгазгеология» болып аталды.
• 1995 жылдары ол «Құрық» акционерлік қоғамымен АҚ бірге «Жарқын» мемлекеттік холдинг компаниясының құрамына енді.
• 1996 жылдары «Жарқын» компаниясы тарап, оның орнында «Маңғыстаугеология» АҚ ұйымдасты, оған «Құрық» АҚ кірді.