Мейрам Жүнісұлы Бүркеев

Мейрам Жүнісұлы Бүркеев (1962 жылы) – химия ғылымдарының докторы (2003 жылы), профессор (2006 жылы), Нью-Йорк Ғылым академиясының академигі (1995 жылы). Қарағанды мемлекеттік университетін бітірген (1988 жылы). 1988–2001 жылдары Қарағанды мемлекеттік университетінде инженер, оқытушы, аға оқытушы, доцент, кафедра меңгерушісі қызметтерін атқарған, 2002–05 жылдары факультет деканы, 2005 жылдан сол университеттің ғылыми жұмыстар жөніндегі проректоры. 130-дан астам ғылыми еңбектің авторы.