Мелдехан Уәлиханұлы Қасымбек

Мелдехан Уәлиханұлы Қасымбек 1954 жылы 1 қаңтарда Түркістан облысы Шардара ауданының «Көксу» кеңшарында туған.

Әкесі - Қасымбеков Уәлихан, кеңшар әкімшілігінде жұмыс істеген. Анасы - Қуатова Бибісара, мектепте кітапханашы болып жұмыс істеген.

• П. Беньков атындағы Республикалық көркемсурет училищесін (Ташкент, 1970); Апматы көркемсурет училищесін; В.И. Суриков атындағы Мәскеу мемлекеттік көркемсурет институтының станок кескіндемесі факультетін бітірген (1979).
• Қазақ, орыс және түрік (ауызекі) тілдерін біледі.
• 1979-1983 жылдары - Алматы мемлекеттік театр-көркем институтының арнайы пәндер оқытушысы.
• 1983-1986 жылдары - Шымкент көркем-өндірістік шеберханасының суретшісі (кескіндеме және монументалды өрнек) - Ә. Қастеев атындағы Шымкент көркем сурет училищесінің арнайы пәндер оқытушысы.
• 1986 жылдан бері - О. Таңсықбаев атындағы Алматы сәндік-қолданбалы өнер колледжінің арнайы пәндер оқытушысы. Жастар, республикалық, бүкілодақтық және шетелдік өнер көрмелеріне қатысқан (1977 жылдан).
• Суреттері Қазақстан Республикасы Ә. Қастеев атындағы Мемлекеттік өнер мұражайында, Қырғызстанның Бейнелеу өнер мұражайында; Англияда, Германияда, Португалияда, Түркияда, Оңтүстік Кореяда, Францияда жекө коллекцияларда сақталуда.
• Ы. Аптынсарин атындағы медалімен марапатталған (2008). Мәдениет қайраткері (1999).
• Діни көзқарасы - мұсылман.
• Саяси қайраткөр ретіндегі идеалы - М. Шоқай.
• Қазақстанның болашағы туралы болжамы - «Даму жолында».
• Хоббиі - кино, музыка, саяхат.
• Сүйіп оқитын әдебиеті - А. Құнанбаев, Р. Акутагава, А. Камю, К. Абэ.
• Үйленген. Жұбайы - Қасымбекова Ақмедел (1955), фармацевт. Қызы - Қасымбекова Айна Мелдеханқызы (1985), энергетик; ұлы - Қасымбеков Ататүрік Мелдеханұлы (1989), студент.