Мерке бұлақтары

Мерке бұлақтары) — Жамбыл облысының Мерке ауданында, Мерке аулының оңтүстік-шығысы бағыты бойынша 14 км жердегі бұлақтар. Аздаған радиоактивті, радонды су шығады. Терендігі 83-310 м ұңғымалар бұрғылаған, су шығатын ұңғымалардың қуаты — 2,5—3,5 л/с, температурасы 20— 23,5°С, минералдылығы — 0,22—0,3 г/л, су құрамы жағынан: сульфатты-хлоридті, натрийлі, сілтілі (рН-7,85—9,4). Радон мөлшері — 40—110 нанокюри/л. Құраушыларының мөлшері (%): фторы — 10—15, молибдені — 0,01—0,06, қорғасыны — 0,001-0,005, никелі — 0,015, кремний қышқылы — 30. Газдар құрамында азот басым (86,6—93,6%). Пайдаланылатын қоры тәулігіне 518 м³. Негізінен: жүйке, тамыр жүйелерінің ауруларын емдейді.