Месқарын

Месқарын (рубец); (лат. rumen — месқарын) — көп бөлімді қарынның алғашқы ең көлемді бөлімі. Месқарын сыртынан ұзынша қатпарлармен бөлінген жоғарғы және төменгі қапшықтардан тұрады. Месқарын қапшықтары оның артқы жағында тұйық қапшалармен аяқталады. Жоғарғы қапшықтың алдыңғы жағында өңешпен жалғасатын месқарын сағасына өңештің ашылатын тесігін — кардиальды тесік деп атайды. Көпқабатты жалпақ эпителиймен астарланған месқарын кілегейлі қабығында емізікше бүрлер болады. Месқарын жұмыршақпен кеңейген месқарын - жұмыршақ тесігі арқьшы жалғасады. Кардиальды тесік месқарынның оң жақ қабырғасын бойлай жатқан өңеш сайына жалғасады. Өңеш сайы жұмыршақ пен қатпаршақтың түбі арқьшы ұлтабарға дейін созылады. Месқарында азық механикалық (сығу, араластыру, езгілеу) және биологиялық (жасунықты саңырауқүлақтардың, бактериялардың, қарапайымдылардың көмегімен ыдырату) өңдеулерден өтеді.