Милан Галич

Милан Галич (серб. 'Милан Галић'; 8 наурыз 1938, Зренянин — 13 қыркүйек 2014, Белград) — югославиялық футболшы, шабуылшы. 1960 жылғы Олимпиада чемпионы.

Милан Галич
Жалпы мағлұмат
Туған күні	8 наурыз 1938 (1938-03-08)
Туған жері	Зренянин, Югославия
Қайтыс болған күні	13 қыркүйек 2014 (2014-09-13) (76 жас)
Азаматтығы	Сербия
Бойы	173
Позиция	шабуылшы
Клуб карьерасы 1955—1958 Пролетер (Зренянин) ? (?) 1958—1966 Партизан 148 (74) 1966—1970 Стандард (Льеж) 84 (33) 1970—1973 Реймс 55 (18) Ұлттық құрамы 1959—1965 Югославия 51 (37)

Карьерасы

Клубтық

Туған қаласындағы "Пролетер" клубының түлегі. 1958 жылы "Партизанға" ауысты да, сегіз маусым ойнады, оның төртеуінде Югославия чемпионы атанды, 1966 жылы Чемпиондар кубогының финалында ойнады.

1966 жылы "Стандардқа" ауысты. Бельгия чемпионатында да екі рет жеңімпаз атанды.

Карьерасының соңғы жылдарында Францияның "Реймс" клубында доп тепті.

Ұлттық құрама

1959 жылы 31 мамырда Болгарияға қарсы ойында тұңғыш рет Югославия құрамасы сапында алаңға шықты да, гол соқты.

1960 жылы Еуропа чемпионатының финалисі атанды. Финалда КСРО - Югославия футболшылары кездесіп, 43-минутта Галич есеп ашты. Бірақ Югославия 1:2 есебімен ұтылып қалды.

1960 жылғы Жазғы Олимпиадада бес кездесуде алаңға шығып, жеті голдың авторы атанды. 1962 жылғы әлем чемпионатына да қатысты. Құрама сапында соққан голдары бойынша Степан Бобектен кейін екінші орында. Құрама сапында 51 кездесу өткізіп, 37 гол соқты.

1965 жылы құрамадағы карьерасын аяқтады.

Жетістіктері

«Партизан»

• Югославия чемпионы (4): 1960/61, 1961/62, 1962/63, 1963/64
• Чемпиондар кубогының финалисі (1): 1965/66

«Стандард (Льеж)»

• Бельгия чемпионы (2): 1968/69, 1969/70
• Бельгия кубогы (1): 1967

Югославия

• ЕУРО-1960 финалисі
• Олимпиада чемпионы: 1960

Сілтемелер

• Биографиясы мен статистикасы