Мир Қасымұлы Қадырбаев

Мир Қадырбаев (1932- 1980) — археолог, ғалым, тарих ғылым кандидаты (1959).

Мир Қасымұлы Қадырбаев
Туған күні	1932 (1932)
Туған жері	Шымкент
Қайтыс болған күні	1980 (1980)
Ғылыми аясы	Археология
Альма-матер	Ленинград Университеті тарихи факультеті
Марапаттары	Ш.Ш.Уәлиханов атындағы сыйлық

Биографиясы

1955 ж. Ленинград мемлекеттік университетін бітірген. 1955-58 ж. Ш.Уәлиханов атындағы тарих, археология және этнография институтында аспирантурада болды, кейін археология бөлімінде қызмет атқарды. Бірнеше жыл Орталық Қазақстан археология экспедицияның Қаратау тобын басқарған. Орталық Қазақстанда ерте көшпелілер археологиясын зерттеп, "тасмола мәдениетін" бөліп көрсеткен. Қола және ерте темір дәуірлеріне жататын ежелгі металлургтер, малшылар мен егіншілер ескерткіштерін зерделеген. Оңтүстік Қазақстан жеріндегі петроглифтер шоғырын талдап, байырғы халықтардың дүниетанымын, мәдениетін саралаған. 60-тан астам ғылыми еңбектер мен ғылыми көпшілік зерттеулерінің авторы. Ш.Ш.Уәлиханов атындағы сыйлықтың иегері (1966). ЮНЕСКО-ның "Орталық Азия мәдениеттерінің тарихы туралы" бөлімінде бірнеше рет айтылады.

Мир Қасымұлы алғаш рет жеке категорияларға қатысты зерттеулер жасайтын. Соның ішінде сақ жануарлар стилінің генезисіне біраз назарын аударды.

Шығармалары

Шығармалары: Древняя культура центрального Казахстана, Алма-ата, 1966 (телавт.); Наскальные изображения хребта Каратау, Алма-ата, 1977 (телавт.); Сокрови¬ща древнего Казахстана, Памятники мемориальной культуры. А.-а., 1979 (телавт.).

Әдебиеттер

• Вопросы археологии Казахстана, выпуск 2. Сборник научных статей, Алматы, 1998.