Митрофанов Валерий Петрович

Митрофанов Валерий Петрович (1932 жылы 3 каңтарда, Ресей, Перьм қаласында туған ) – ихтиолог-ғалым, биология ғылымының докторы (1973|1973), профессор (1976), Қазақстанның еңбек сіңірген ғылым қайраткері (1985). ҚазҰУ-ді бітірген (1954). 1954 – 62 жылдары Қазақстан Ұлттық Академиясының Зоология, Қазақ балық шаруашылығы ғылымының зерттеушісі, Қазақ су шығару ғылымы зерттеу интернаттарында, 1962 жылдан өмірінің соңына дейін ҚазҰУ-де ғылыми-педагогикалық қызметтер атқарды. Негізгі ғылыми бағыты зоология және ихтиология мәселелерге негізделген. Марқакөл балықтарын зерттеп, олардың кейбір түрлерінің (мысалы, Марқакөл леногі) жүйеленіміне түзетулер енгізді. Бұл зерттеу жұмыстарының қорытындысы Марқакөл қорығын ұйымдастыруға негіз болды. Митрофановтың басшылығымен Оңтүстік Қазақстандағы Талас өзені су алабының гидробиоценозы мен Іле өзенінің әр түрлі қоректік деңгейдегі биологиялық өнімділігінің қалыптасуы зерттелді. Митрофанов Қазақстан жерін ихтиогеография тұрғыдан сипаттап, республикадағы әр түрлі су алабтарындағы балықтар тіршілігін зерттеді, кейбір балық түрлерінің жерсіндіруге байланысты пайда болған морфологиялық ерекшеліктерін анықтады. Соның нәтижесінде Қазақстан ихтиофаунасының шығу тегінің негізі қаланды. Митрофанов өзен ағысындағы шабақтардың кеңістіктік-уақыттық таралуын, оларды егістіктерге жіберілетін суларға жібермеу жолдарын, негізгі кәсіптік балық түрлерінің су қоймалардағы қауымдастығының математикалық моделін, “Дельта” бағдарламасын, т.б. ғылыми-зертханалық жұмыстарын жүргізді. Шығармалары: К систематике ленка озен. Маркакуль // В сб. работ по ихтиологии и гидробиологии, в. 2, А.-А., 1959; Происхождение современных ихтифаун Казахстана // В сб. чтения памяти акад. Павлов-ского, А.-А., 1971; Рыбы Казахстана, т. 1 – 5, А.-А., 1986 – 92 (соавт.); Заметки о проблемах сохранения биоразнообразия, А., 2002. Ә. Бәйімбетов

Сілтемелер

• Марқакөл
• Зоология
• гидробиоценоз