Мифтах Қуанышқалиұлы Жантикин

Мифтах Қуанышқалиұлы Жантикин (14.3.1925, Бөкей ордасы ауданы, Жиекқұм а. — 24.12.1992, Алматы) — журналист, аудармашы.

• 1938 ж. Жиекқұмдағы 7 жылдық мектепті бітірген.
• 1941 ж. майданға аттанған ағасы Масин Темір Жантекеұлының орнын басып, отбасына көмектесу үшін Орда ауданы «Осоавиахим» кеңесіне жұмысқа орналасты.
• 1943 ж. өз тілегі бойынша әскер қатарына алынып, Уфа жаяу әскер учщесінде оқыңы. 4-оқу бригадасының 138-мергендер полкінің құрамында соғысқа кірісіп, Украина, Молдова, Польша жерлерін азат етуге қатысты.
• 1946 ж. ақпанда денсаулығына байланысты әскери қызметтен босап, туған жері Ордаға оралып, ауданы «Жаңа жол» газетінің жауапты хатшысы, кейін редакторы болады.
• 1948-50 ж. республикалық жоғарғы партия мектебінде оқиды.
• 1950-52 ж. Батыс Қазақстан облысы «Екпінді құрылыс» (қаз. «Орал өңірі») газетінің бөлім меңгерушісі, облыстық партия комитетінің нұсқаушысы, бөлім меңгерушісінің орынбасары.
• 1952 ж. Қазақстан КП ОК-тіңде, Алматы облысы газетінің «Үгітші блокноты» журналының редакцияларында, сондай-ақ 1958-81 ж. Қазақ мемлекеттік баспасында, «Социалистік Қазақстан» (қаз. «Егемен Қазақстан») газетінде, Қазақ радиосында лауазымды қызметтер атқарды. республикалық дәрежедегі дербес зейнет демалысына шыққанға дейін Қазақ КСР үкіметі қаулылары жинағының бас редакторы болған. Жантикин «Жауынгерлік даңқ шежіресі» кітабында өзінің майдан жолы, қарулас достары, ержүрек қазақ жауынгерлері туралы әңгімелейді. Ол 3-дәрежелі Даңқ және Отан соғысы ордендерімен, бірнеше жауынгерлік медальмен марапатталған. Сонымен қатар П. Мальковтің «Москва Кремлі комендантының жазбаларын», Ф. Селивановтың «Панфиловшыларын» және т.б. шығармаларды қазақшаға аударған.